[ALIGN=CENTER]الاهداء
للاخ العزيز
الشاعر المــبدع
خالد حميد الذيابي
آمل ان ترقى إلى ذائقته
العالـــيه ..مع الود والاحترااام
واتمنى ان تنااال اعجااااب
اهل المرقاب جميعاً..
ولكم كل التقدير.[/ALIGN]


[poem=font="Traditional Arabic,6,white,bold,normal" bkcolor="darkblue" bkimage="" border="groove,10,blue" type=2 line=0 align=center use=ex num="0,black"]

فالليل الأظلم يفتقد بدر الدجا=لازيف في ذلك ولا فيها شكوك
ومن قال لي شعر الاصاله مزعجا=اقول له تبت يدك وانفض فوك
أنا على شعر الحداثة ما أهرجا=حتى يشد طويق في جانب تبوك
ومن عندنا يا ساعي الخير انهجا=للطائف المأنوس عبر النت بوك
تلقى الذيابي ذو المحيا الأبلجا= يستقبلك حييت بحجاجٍ ضحوك
الطيب له نبراس عمر ومنهجا=والنعم له مملوك باثبات وصكوك
رأيه رشيد ودوم شعره يبهجا=ومميز بالفكر وآداب وسلوك
مراجله مهما يقول المنتجا=ما تنحصي لو يمتلي عشرين بوك
الشاعر اللي حول حروف الهجا=شعرٍ كما اللولو منظم ومحبوك
ويا مل قلبٍ داخله هم لجا=بين الحنايا صار نفاثة مكوك
همين تنزل به وهمٍ يخرجا=سود الهموم تخاطبه قرب ودوك
وهمومه اثقل من جبل سلمى وأجا=ودرب المحبه نعرفه مزروع شوك
كله سبب ذات الثنايا الفلجا= الجادل اللي شعرها الليل الحلوك
اللي بها عرش الجمال متوجا=يشد قلبي يمها شبه السلوك
رأيتها ثماً مشيت مبرمجا=ووصلت مسكنها ونادوا يا هلوك
قالت من اللي يامدير القصر جا=قلت المحب اللي من الحب معلوك
قالت يحمد الله دام انه نجا=وطلت بكامل سحرها طلة ملوك
ثم ارسلت لي من طرفها الادعجا= نظراتٍ اخطر من سهم صاروخ هوك
يا خالد أهديك السلام ولي رجا= ارجو النظر في ما حصل في حال اخوك
انا اعرف انك يالذيابي كالحجا=وتحل صعبات القضايا مثل ابوك
ونار الموده ما يطفيها سجا=لا ريب في ذلك ولا يوجد شكوك[/poem]