منتديات المرقاب الأدبية - عرض مشاركة واحدة

04-06-2004, 07:21 PM

[ALIGN=CENTER]اعترف اني طيب حدي ,,,وخوش ولد والدليل اني مسلف عشر انفار حول 15 الف ريال ولاهم يمي ,, معطيني طاف من قلب

,,, اقدمهم له عشر سنين وآخرهم قبل شهر ... بس تصدقون خيره تدرون ليه ,,,, عشان لا يجوني يتسلفون مره ثانيه

واعترف اني مرات اغلي ناس ما تستاهل ,,,, بس مرات لا والله يستاهلون

اعترف اني مرات بيني وبين نفسي احس اني مغرور واحس ان ما على الأرض قدي ولا في ذكاي ولا في فطنتي ,, ومرات اتوهم اني مزيون وان ماعلى الأرض زيني ,, لكن دايم اصطدم على رخام ارض الواقع

وابلع العافيه!

اعترف اني احب السوالف

..... واعترف اني مرات اربط عصاعص

اعترف اني اخاف مرات من لقافتي الزايده في الرد على بعض المواضيع

لكن الحمدلله لهلحين ما صارت مصيبه

اعترف اني دايم احس اني غير ,, غير عن كل البشر ,, مرات اقول اني ذكي ومرات اغبى من غبي ,,, ومرات ماعندي وهم إني جِدي واقدر اهد اكبر جبل ,,, واحس يملاني الأمل أني بعيش أطول عمر وابدع واغير عالمي .. وافني حياتي للحبيب اللي سكن في داخلي ,,,,,,, ((اعترف أني احبك حب ماحبه بشر))[/ALIGN]
تحياتي / حامد