عبدربه

[ALIGN=CENTER]طلبها عشير الغانمين واّتشرف بهذا الطلب0

عساها تنال إعجاب الجميع0 صلوا على النبي[/ALIGN]0






[poet font="Simplified Arabic,3,white,bold,normal" bkcolor="crimson" bkimage="" border="inset,6,indigo" type=0 line=200% align=center use=ex length=0 char="" num="0,black" filter=""]
جيت لك ضامي بعز الصيف هل تسقين ضامي=ضامي لوخان فيه الوقت ماخوًن بجاره
وجيت في عز الشتا في ليلة برد وظلامي=اوقد حروفي قصيد وكل حرف شب ناره
تختلف عندي معايير الزمن شرق وشامي=لاني اطلق من عباد الله ولاابحث عن الاثاره
جيت تجري بي رياح الشوق لو البحر امامي=واحد لاماك وإلا بيعته عمره شعاره
قاطعتني واستدارت قبل لااكمل كلامي=بري حالي ماذبحني غير ذيك الاستداره
قالت انت إشفيك تبدا بالحكي قبل السلامي= ودي ادري هو عدم تركيز وإلا إنها شطاره
قلت سميها زلل بلسان يابنت الكرامي=قولي إنه خانه التعبير في نطق العباره
والهوى يابنت لويعرف عزيزين المقامي=مالفى الضامي على بابك ولاطال إنتظاره
ولانشف ريقي على الميراد وعروقي حيامي=رغم مابك من عفاف ومابقلبي من طهاره
قالت ألمح فيك حزن له شهور وله عوامي=قلت ماللخاطر المكسور ياكودالجباره
إسمعيني لاعدمت اللي ورا ذاك اللثامي=الحزن فيني ويدفعني على كسب الصداره
اعشق إن العشق يضنيني ويحرمني منامي=واعشق إني ليتصدرت اّتصدرعن جداره
واهتوي ف البر بره والغزير الالتطامي=إبدوي يعشق اهل الباديه واهل الحضاره
واّتحمل وإن بغيت اقوم شالتني عظامي=وإن بغيت اطيب طبت ولاخذيت الطيب عاره
واحتمل عوجا رفيقي واكرمه فرخ السنامي=الدهرباير وإبن عمي وقاري من وقاره
وعشرة عيال الحمايل من على صدري وسامي=المجرب قال معرفة الرجال اكبر تجاره
حسبي الله يوم حدني العطش والطير حامي=لين قمت اسوق بغيابك على شوفك بشاره
اشهد إن العين تظماللربيع وتستهامي=مثل ماتظما على غيث المراويح الزباره
ومثل راع الصنف ليصكه على كيفه إضرامي=كل مادقت هجوسه شب في خشم الزقاره
قالت إصبرفعل ربعي مروية حد الحسامي=ويش بتسوي ليا شنوا عليك الصبح غاره؟!
قلت لعيونك واناميت عطش وإلاهيامي=عاشق ومناه ياخذيومه من اول نهاره
عاشق ليهام هام بصدق وليا شام شامي=بس في لاماك مااصلي صلاة الاستخاره
إنظري للوضع واسبابه بعين الاهتمامي=وإرفقي باللي غدا مابين عشقه وإحتضاره
إن قبلتي جيت اغني ياسلامي ياسلامي=والوفا ياخذ خفوقي من يمينه لي يساره
وإن وقف حظي مهو من طبعي اّعظ الابهامي=اشري لي باصبعك والحرتكفيه الاشاره
خافقي يشبع ويشلع شلعة الحر القطامي=ليتعلامن بعدماينتثر ريش الحباره
وإقبلي مني تحياتي وشوقي وإحترامي=وعذرمنهوساق حاله وارخصه قبل إعتذاره
صابني ماصابني لاتلحقيني بالملامي=مثل ماصاب المطوع يوم شاف خدود ساره

[/poet]





[poet font="Simplified Arabic,7,orange,bold,italic" bkcolor="black" bkimage="" border="solid,10,deeppink" type=0 line=200% align=center use=ex length=0 char="" num="0,black" filter=""]
عوض أبو فقايا
[/poet]




الف الف الف شكر ،


انا والله اللي لي الشرف بتلبية طلبي من لدنك ..


اخوي العزيز ،،

عساني ما أعدم هالراس ، وهالابداااع ..


وجعل عيني ماتبكيك يالامير


غمرتني بكرم اخلاقك وتواضعك الجم ،


وقد اجدني عاجزاً تمام العجز عن شكرك او مجاراة طيبك وكرمك



وفعلاً كان لي الشرف بسماعها من راسك الاشم وعانقتها في مرقاب الجميع ولم املها ولن املها



ما اقول الا :


جعلك بزود يابعدي ..



ارجو تقبل توقيعي البصيط هنا على امل ان اعود لها في كل مره اطلع المرقاب



ارق التحايا




ملاحظه :



لـ خالد الحصيّن :



وش الخصوصيات اللي تحدث سعادتك عنها



ارجو كامل التوضيح



لكم جميعا خالص تقديري

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348