السلام عليكم ..........

وبعد طول غياب ( خارج عن إرادتي ) أستميحكم العذر ............... لاعدمتكم

عدت لأصافح قلوبكم وبياضكم بتلك المتواضعة وآمل أن تلامس ذوائقكم .....

كل الحب والتقدير لأخي الحبيب (( معيض )) لاعدمته................



[poet font="Simplified Arabic,6,darkred,bold,normal" bkcolor="transparent" bkimage="backgrounds/13.gif" border="none,4,gray" type=3 line=200% align=center use=ex length=0 char="" num="0,black" filter=""]
أوقديني ... شمعة بوجه الظلام = غيرتي ... ماتِحتمل معنا القمر

واكتسيني : عشق ضافي باحتشام = لا يمسِّك شي ....... قد مسّه بشر

وسافريني ... درب هايم مستهام = داخلي .... مشوار عمرك و السّفر

وارتويني لا عطشتيني ...... مدام = واشربي : من ماء عيوني لك نهر

والشتاء .... ضمّي خفوقٍ ما ينام = من ولَه شوقٍ .... تلهّب واستعر

طاااااار عصفور الضلوع : وفيك هاااام = فوق غصنك : حط عشّه واستقر

ما يبي غيرك ... مكان ولا مقام = لو عطوه الشمس .... عيّا واعتذر

صابرٍ : يرجي وعودٍ قبل عام = ينتظر ردّك : على مثل الجمر

طووووول حبك : ما شرب غير الكلام = وكل باكر ... صار باكر واستمر

الطيوف الّي تجي : مثل الحمام = والسّراب الي رسم أجمل صور

ضجّة أحلامي الشقيّة .... والهيام = بين نومي ..... وانتباهي ..... والسهر

جامحٍ فكري ..... ولا بيدي لجام = فارسك يا حلوتي ..... ما به صبر

سارحٍ : لو كنت في غمرة زحام = وإن جلست بمجلسي ........ طيفك عبر

ينتصر حبّ الخلايق ........ والغرام = وانتِ فيكِ الجرح ....... لجلج وانتصر

علميني ..........:

علميني : قبل يا خذنا الظلام = وش نهاياتك ؟؟؟ أنا والاّ القمر ؟؟؟؟

عبدالله الحبيشي العمرو

[/poet]


أخوكم ........