[ALIGN=CENTER]السلااام عليكم جميعاً[/ALIGN]
هذي أول مشــاركه لي معكم وأتمنى أن تحوز على أعجابكم هالقصيده المتوااضعه...


[poet font="Simplified Arabic,4,black,normal,normal" bkcolor="transparent" bkimage="backgrounds/45.gif" border="none,4,gray" type=0 line=200% align=center use=ex length=0 char="" num="0,black" filter=""]

صودايف بقعا كل يومٍ تجي وتلوف = كما لوف صلف النود في يابس العودي
صبرنا ولكن ياعسى صبرنا مخلوف = طلبناك يا ربْ الملا خير معبودي
تمرّ الليالي والردي ماعليه إحسوف = ليا راح ولاّ مات ماهوب مفقودي
وجودي وجود اللي فقد فالحياه الشوف = ولا عاد يفرق عنده البيض والسودي
أو اللي عليه القوم يومٍ غزوه أنكوف = تقفـّوا الحصان ، وساقوا البنت والذودي
يجرّ الصياح وشقْ ثوبه ولا أحد يروف = وراحوا وبنته تزهم الشايب العودي
تهامل عيونه يوم راحوا بها ويشوف = على سرج خيلٍ كنـّها خيل صاهودي
وأنا الهايم المشتاق والعاشق الملهوف= تلاعبيْ الهوجاس لا ذعذع النودي
ليا من ذكرته دمع عيني يهلْ ذروف =ألا ليتني من نظرت العين مردودي
عيون المها ورموشها فالقلوب سيوف = صويب الرموش يروح فالقبر ملحودي
عيونٍ هدبها يوم لدّت علي أوقوف = سريّت عساكر بين ضبّاط وجنودي
دقيق المعنـّق ضامر البطن والسرجوف = غزالٍ يقود الصيد ماهوب مقيودي
ولولا ضلوعي دون قلبي بوسط الجوف = كفخ قلبي اللي من سبايبه مضهودي
وخاوا طيورٍ تعتلي فالسما وإطّـوف = ترفْ الجناح ولا لها حدْ محدودي
وصوفه يعجز يقولها الشاعر الموصوف = ولو قال يبقا الصدق ماهوب موجودي
بحور المحبّه تغرق العاشق المشغوف = ودليلي ديانا يوم ماتت مع دودي

[/poet]