سيدة الحرف / قهر يزيد
حيّاك بعد طول غياب
ما سمعت من السوالف غير ( احبك ) ثم غفيت
لو تعيد اللي تقوله كان ودك اسمعه
بس تدري ؟ لا تعود الها مدام اني صحيت
او ترا مانتا بلاقي صاحب ٍتحكي معه
تنتهي كل السوالف وانت توّك مابديت
وابْتخليني شوية لعثمات مجمعة
وصدق انا مثلك احبك ، يمكن اكثر لو حكيت
بس لي خاطر أماطل في انتظارك وازرعه
قلبي يخفق بك ينادي كلما اسقيته ظميت
ماعرف وشلون يسلى وما قدرته اردعه
كنت الومه ، كنت اصده ، كنت ارده لاطريت
واثر منعي له - حبيبي - صار يمك يدفعه
كان يبدا بك حكايه كلما قلت انتهيت
كنت اغمض عن طريقك .. كيف شافك وتبعه ؟
احسِبَه ملكي واحسْبَه طوع امري لي بغيت
اثرني ملكه واطيعه لين امرني مسرعة
صدق احبك ياحبيبي ( سوّي كنك مادريت )
ما قدرت امنع فؤادي بس كلامي بمنعه !
الله .الله .الله
ألف ألف شكر على هذا الحضور الذي بالفعل شفع لغيابك
لاجديد : التميز والتألق المعهود
مرةً ثانية : شكراً لهكذا حضور .
تحياتي .
|