|
خالد حميد الذيابي
خالد حميد الذيابي
قصيده مسنده للشاعر خالد بن حميد الذيابي
القلم جف حبره والورق في يدي
والمعاني معاني بس كيف ابتدي
طال ليلي وانا اطالع بنجم الجدي
الهموم اتعبتني والليالي تطول
يالذيابي وصبري ماهقيته يفيد
والتعب كل لحظه يا رفيقي يزيد
قلت مالي سوى الله ثم خالد حميد
شد حيلك ودوّر يا الذيابي حلول
وانت شاعر وصاحب فوق هذا وذاك
لك معزه وقدرٍ تعرفه ما خفاك
يوم اصارحك باوضاعي ترى من غلاك
قلت لك عن همومٍ وسط قلبي تجول
المحبه مشت بي في طريق التعب
شي يعقل وشيٍ فيه شفت العجب
قالوا الصمت للرجّال مثل الذهب
مير مما دهاني يالذيابي باقول
ضاق صدري وصدري عادته ما يضيق
علمٍ اقشر سمعته شب فيني حريق
دون ما اشعر مشيت وضعت وسط الطريق
كيف بالله قلي باستطيع الوصول
ودي اشوف خلي لو حصل من بعيد
دام علمٍ وصلني يا رفيقي أكيد
الخبر ثبت ما هو في رسالة بريد
اجمل ورود عمري باديه فالذبول
علموني وقالوا لي بشيٍ جرى
قلت وشلون قالوا عقب ليلك سرى
اصبح الصبح محدٍ حس محدٍ درى
واشهد ان الخبر ياخوك شيٍ يهول
لاتعجّب الى من شفت زايد يصيح
والله اني اجي باقوم وارجع واطيح
والعرب مادروا عني وقلبي جريح
اتحرى عسى الشدات عنها تزول
يالذيابي عساك تقوم وتحلها
مشكله وانت خابر دقها وجلها
القضيه بيدك كلـــها كلـــــها
لاتأخر ترى صاحبك طبعه ملول
|