[align=center]

السلام عليكم ورحمة الله وبركاته وبعد :-
لألفية بن عمارخصوصيات خاصة
تنفرد بهاعن غيرها لعدة أوجه
ولست بصدد الحديث عنها
لأنني مازلت متعطشا حقا
لذلك النبع الشمالي الصافي العذب
الذي ترك لنا لوحة أثرية من واقعه الذي
رسمه لنابكل أحاسيسه
فما إستعطت أن أحصل عليه من هذه الألفيه
حتما يوحي بأن لها بقية لم نسمعه
كما أنني متعطش لمعرفة الكثير عنه
سيرته وشعره ومواقف له وقصته الحقيقية
فمانسمعه يتفاوت بين راوي وأخر
لذا أأجد لديكم أحبتي شيء مما أنا متعطش له
أتمنى من كل قلبي
وسأكون ممنونا لكل من يزودني بمالديه
وليس شرطا أن يكون عبر هذه المشاركة
فوسائل الإتصالات الأخرى متعدده[/align]

[poem=font="Arial,5,blue,bold,normal" bkcolor="transparent" bkimage="backgrounds/18.gif" border="double,8,gray" type=2 line=0 align=center use=ex num="0,black"]
ألف ٍ أولف من كلام ٍ نظيفي= ودموع عيني فوق خدي ذريفي
يالايمن في حب ذاك الوليفي= دقاق رمش العين سيد الخوندات
خوندات اللي مابعد عاشرنه= قل له تراهن بالهوى يذبحنه
قلبي وقلبك يا ألمولع خذنه= وعزي لمن مثلي تعرض للأفات
الباء بليت بحب خلي على ماش= ولالقينا منه مايبردالجاش
غديت أنا وإياه طاسه ومنقاش= بالوصف كني للمعزي سلامات
سلامات للذي هم يذكرونه= يبي السلامه منه وهي المعونه
ويقول لي طيب وهي ليه مهونه= سبب ولدكم واحد ٍ صابه ومات
الثاء ثمانه حب رمان طايف= أوقحويان ٍ في رياض ٍ عطايف
متمثل ٍ بالزين سيد العفايف= عمهوجة ٍ فيها من الحورشارات
شارات فيها من ظبي الحمادي= هي لذة الدنيا وغاية مرادي
من يوم فارقني الغضي من بلادي= عليه جاوبت الحمامه بالأصوات
الجيم جاني من عشيري سلامي= ولالقينا من يردالكلامي
عليه زرع القلب هايف وضامي= مالي جدى إلا البكا والتنهات
أنهت على مافات لي من زماني= يوم الحبيب زارني في مكاني
وراي ما أخذت القضى يوم جاني= وأنا أدري إن البيض فيهن غرات
الحا حليه بالوطن مالقيته= عذلت نفسي عنه ولاقويته
وهولويذكر لم إمريكا نصيته= أنصاه لودونه بحور ومسافات
مسافات في بحور الظلامي= أو وسط سنبوك ٍ حداه الولامي
وإلى تهيا لي بلوغ المرامي= صبرت لوطبيت بحور الظلمات
الخا خليلي صار عندي قريبي= جعلي نصيب ٍ له وهو من نصيبي
ودي نواجه نور عيني حبيبي= مير الوحيد لهيد مافيه نوهاة
نوهاة نوهاة ٍ غدت من غثى البال= طول النهار أمشيه عمال بطال
وأنا أرتجيه كل حول ٍ إلى حال= دنياك هذي يا أريش العين مشقاة
الدال دامي مامسكت الذوايب= لوقيل طيب قلت مانيب طايب
دنوا سداد القبر دنوا نصايب= دنوا سواد الحبر دنوا سجلات
سجلات أريد أكتب لهيلي وصيه= عمري غدى ياويل أهلي عليه
قولوا لصاف اللون يعطف عليه= أغديه يرجع ويتحسف لمافات
الذال ذالي عنه مدة ليالي= لوقيل طيب قلت أنا أبخص بحالي
والله مايطري على شف بالي= إلا أنت ياراع الثمان الرهيفات
رهيفات فيها للمشقى طرابه= مدلول مدلول ٍ ولابه طنابه
هنيت من يدخل معه في ثيابه= وأسج أنا وإياه بالعمر سجات
الراء ردوف صويحبي ثقلنه= ونهود للثوب الحمر شلعنه
ولباسها ماأحلا بياضه وفنه= من فوق جسم ٍ فيه من عرق الأرطات
أرطات غرمول ٍ ذرته الذواري=والله لولاني على الترف أداري
لأضوي عليها مثل ذيب الغداري= جايع وبالغبه عياله مجيعات
الزاء زماني شفت منه الهوايل= لاعاد حظي بالغنادير مايل
الزين لون الزين قاصر وطايل= لكن وين العقل هيهات هيهات
السين سقنا من الدراهم وعيا= واللي نبي من صاحبي ماتهيا
يقول والله لوتحب الثريا= خذني على السنه تشوف الطرابات
طرابات ينسنك جميع الدروبي= أغديك في باقي حياتك تتوبي
وأودع محلك بين جلدي وثوبي= وتشوف فرقا السمر فيهن لذات
الشين شاب الرأس ياعذب الأنياب= واللي بطاري توبة ٍ كان قد تاب
لي حاجة ٍ يازين بس إفتح الباب= يرحمني اللي عالم ٍ بالخفيات
يرحمني إني فيك يازين مفتون= من حبك أسهر والخلايق ينامون
ألهيتني عن مذهب اللي يصلون= ماأعرف أميز لوقران التحيات
الصاد صيدي يوم ألايم غريمي= شفق على الحبه ولمس البريمي
ماهوب صيدي قلة ٍ بالحريمي= لكن كلن له مع الناس مشهات
مشهات مشهاتي ظبي الفريدي= حب العرب ينقص وحبه يزيدي
لاشفته هذاك هو يوم عيدي=تصبح بساتبين الضماير مريفات
الضاد ضد ٍ حال بيني وبينه=يقول هذا صانع ٍ لاتبينه
جعل الوجع يشقيه بصبي عينه= يسهر ولايمرح من الليل ساعات
ساعات جعله مايشوف الجدارا=ولايعرف الليل هو والنهارا
عساه يوم القدريبعث !!!!ا=ويحملونه حمل الإسراف سيات
الطاء طويت الياس والسدباحي= ماعاد لي شف بظبي البراحي
ياعلهاهفت خفوق الجناحي= اللي سبوقه فوق رجله مطواة
مطواة طواها الهوى في مهبه=راعيه لوغز الطعم مايلبه
يبي يهوم إن الحباري غدت به=يبي العشاء من بين فخذ ٍ وثندات
الظا ظماني من تولع بالأثنين=لازم تفارق عشرته يالمساكين
ماخبر يجمع بالمرابط حصانين=يجي له هز ٍ وكز ٍ وصقلات
صقلات صقلات ٍ إلى أدنا طعامه= يجي لها من المعوشه بحامه
إفهم كلامي ياالهبيل البهامه= إلى جمعت الحصن فالحصن خطرات
العين عن من ينقل الهرج حذراك= تراك كنك ناقل ٍ داك برداك
إلى سمع له هرجة ٍ من حكاياك= يحطها مثل القصور المبناة
مبناة مبناة ٍ مثل خشم الغرابي= يكدر المشروب عقب الطرابي
وهويشادي بومة ٍ في خرابي= لاناقل ٍ هرجه ولاكفوهرجات
الفا فؤادك لاتوليه حساد= وإصحى يجي لك مع هل الهرج مقعاد
وإضحك وكنك عن جميع العرب صاد= ثم إعتبر بالذيب يضوي بغفلات
يضوي بغفلات ٍ وهم مادروابه= واللي يروكب بالمحاري هقو به
كم واحد ٍ وقف ولابي ظنوبه= يهوى إلى شاف اللحم كنه حدات
القاف قل للي يريد النواميس= اللي يبي طردالهوى يرخي الكيس
إلى رخصت الكيس والنفس وإبليس= يطيح ناس ٍ يدعون الديانات
ديانات صارت للخلايق علاجه= ياللي تبي بهم ياهل الهوى حاجه
إلى نثرت الحب جتك الدجاجه= حاضت وباضت لوتبي عشربيضات
الكاف كن السر في بعض الأحوال= وإحفظ لسانك لايقولون ذاقال
حتى تجي عند العرب خوش رجال= لاصرت بالمجلس نواظرك صقلات
النون نام الحظ ولافيه حيله= عيا يباريني وأنا أزريت أشيله
من يوم فارقني عريض الجديله= صار يتكسر في حشا الصدر عبرات
عبرات ضاقت به حنايا ضلوعي= عليك ياخلي حسين الطبوعي
والله دين القطع حسب الدموعي= إني على غيرك كثير الحسوفات
الميم ماغيري من الناس جرب= ولاهو مثلي في حياته تطرب
لاويت الزين أنا فوق المضرب= كن العدو عني عيونه مداواة
الواو واويل أهل الهوى من هواهم= كان اللي وطا حالي هو وطاهم
كم ليلة ٍ يصبح غبيب ٍ عشاهم= إلا لقيمات ٍ على الحلق مرات
مرات لين أقضي من الترف شفي= وأوسده زندي وعضدي وكفي
وأكشف عن اللي غابي ٍ ومتخفي= ثم ٍ يجي للزاد والشرب لذات
الها هواي السابعه يالفطيني= والثامنه ياللي تعرف الرطيني
...........................= والتاسعه تحصى بإعداد الأميات
الياينوب الحظ وأنا أبابه أتلف= لويطلب علي كان أقول ألف
حيثه صديق ٍ لي قديم ٍ على ولف= وإن غيره لويبي عشر بيزات[/poem]

[align=center]

هذا ما إستطعت الحصول عليه
وكماتلاحظون ينقصه الكثير
وتنقصه الدقه
كما أقول أين المؤلفون ؟؟

فهنا

الصدق

والحكمة

والمثل

والحقيقية

والمعاناة

ووووو الخ

تحياتي وتقديري للجميع

مودكم // أبوسبيل[/align]

[poem font="Arial,4,black,bold,normal" bkcolor="transparent" bkimage="" border="double,6,gray" type=0 line=0 align=center use=ex num="0,black"]
كان قول الحقيقه عيب يامرحبابه=أعرف إن الصراحه طعمها حنظليله
وإن دفعت الضريبه وين وجه الغرابه=ماينور سراج بدون حرق الفتيله
ماترتب على ما أقول حاسب حسابه=حاسب ٍ للقصيره قبل أحسب الطويله
[/poem]