السلام عليكم
الرائع/ خالد الحصيـن
صبحك الله بالخير يا الغالي
والله انه ما يهـز الرجـل ويحطّـم كيانـه
كود لامن جاته الـزلات مـن رجـلٍ يحبّـه
ان تشرّه قيل هذا مزح مـن بـاب الميانـه
وان سكت لجّت ضلوعه كن في صدره منبّه
الله الله وانت يا فكـري عليـك الله وامانـه
لا تنقدني مـا دام ان الـدوى حبّـه وحبّـه
التوجّد لو يفيد اللـي توجّـد مـن زمانـه
كان شفت اوضاع راع الوجد دايـم مستتبّـه
يا صحيبي سِجّل التقريـر والتقريـر عانـه
اولـه نـارٍ تلظّـى واخـره بـرد وجهبّـه
من يمثل من وراي الخبث واسلوب الخيانـه
ليه اجامل بالغلا وابنيـه قبّـه فـوق قبّـه
وليه اجامل لا هرج .. واقول صح الله السانه
والصحاري قاحله .. والجحر دابه دون ضبّه
ما ربطني بالرجال الا وفـاً مرفـوع شانـه
مثل ما يِربط (عشير الغانمين) بـ(عبدربّـه)
يا دموع العز مـا للـذل فالميقـاف خانـه
لا تسيلي فوق خدي والهـوا صلـفٍ مهبّـه
دمعة الرجال مهما كانت ظروفـه .. إهانـه
وانت يا دمعي حماك الله من هـرج المسبّـه
ما نثرك الا شموخ ولا حبسـك الا حصانـه
لا قعد راع الهوى ينثر من دمـوع المحبّـه
حافظك لو جـارت الايـام حفظـي للامانـه
والروابع والهقـاوي غبّـةٍ مـن دون غبّـه
ما ورثت من (ابن هادي) كود سيف وجبّخانه
ولا ورثت من (المهادي) كود صبرٍ ما يشبّه
ليت باب العرف قبل العرف .. مغلق للصيانه
كان ما حصّلت جرحٍ يتعـب الجـراح طبّـه
ياسلام عليك يا الراااااائع
قصيده روعه من روعة شاعرهاااااااااااا
جزل + جزل+ ابداااااااااااع
صح السانك ولاهنت يا الحصين
تقبل تحياتي
اخوك خالد بن سكران
|