الايالمهره اللـي مالهـا فـارس ولا ركّـاب
مغير تلاعب انسام الهوى تضحك ومسـروره
سرى ليل الطرب والصبح بان وخاطري ماطاب
دقايق شاعرك وده يعبر لـك عـن شعـوره
عيونك سهمها سهماّ صويب ومبسمك جـذاب
تبسم يابعد ( غاده ، وهند ، وساره ، ونوره )
انا ماجيت لك مشتـاق للخـلان والاصحـاب
ولاسقت القدم ودروب ذيك الـدار مخطـوره
سوا لمشاهدك ومقابلـك وبدايـت الاعجـاب
عسى لليل اللقاء ماجور واللحظـات ماجـوره
لكن مدري تفـك البـاب والا ماتفـك البـاب
مدام الناس يابن النـاس منهيـه ومامـوره
انا اللي من غلاك العاشق المجروح والمنصاب
اقوله وانت تدري يادوى جرحـي ودكتـوره
ابيك تمد لي يمناك ونعيـش الزمـان احبـاب
على وضح النقا ياصاحبي بالصوت والصوره
ونبي نسري تحت نور القمر دام القمر ماغاب
انـا ويـاك والعـذال منبـوذه ومـدحـوره
واقول ان زاد حملك ياحبيبي للحمول اركـاب
على شانك حرام ان يبرك الاشعل علـى زوره
انا شفي حبيباً بالمحبـه لـو تـروح ارقـاب
على بحر الغلا ماغيـر بابـوري .. وبابـوره
عبدالله بن قنيص
ومهره تستحق الاحتفاء
سجل اعجابي وتقبل تحياتي
|