بيـن الحداثـه والكلاسيكـي حقيقـه! فيـه فـرق
مثل ماتفرق عن نسيـم الصبـح اعاصيـر الريـاح
والسيف: لـه طعنـه شديـده غايره,والرمـح زَرق
والموت في طعن السيوف وعنـد زرقـات الرمـاح
والـبـل: مجاهيم,ومغاتير,وصفر,شـعـل ٍ, وزرق
ويـوم المزايَـن قَدِّمـت ريمه,وسمحه,مـع سمـاح
والشعر: له موعد ويطرق خافـق العِشّـاق طـرق
وكـلٍّ علـى فالـه ويطلـب بالعوافـي والصـلاح
والشاعر اللي بالقصايد بـارع ٍ فـي كـل طَـرق!
موعـود فـي دنيـاه مـع شعّـار جيلـه بالنجـاح
والجادل اللـي سِحرَهـا بعيونها,وإخـدود طُـرق!
إصخـر لهـا القيفـان يافكـري ولبّسهـا وشــاح
وآنا ليا منّي بدعت القـاف صـار الغـرب شـرق
والليل لادلهـم وعسعـس! بـرق فكـري فيـه لاح
إليا ضرَبت بسوط فكري! ينتشر فـي الكـون بـرق
وبنات فكري محتسيها فـي الزمـن مثـل السـلاح
يافـكـر سـنّـد للمعالي,والفخر,والمـجـد,وإرق
مادام ربَّع في هجوسـك وإعتـرض سيـد المـلاح
جاتك على وضح النقا0عزّ وفخـر 0ماجـات دَرق
وقالت: صباح الخير0 شفت إشلون منها العطر فاح!؟
يامرحبـا باجمـل صباحاتـي عـدد مـانـاح وِرق
ولعيونك انت اجمل صباح الخيـر ياخيـر الصبـاح
يامَن خذا قلبي بكيفـي عـن رضا0ماهـوب سـرق
وحتى ولو هو سارقه0 مادمت انا راضـي! مُبـاح
ملكتني كلّي بعَـد حاصـرت قلبـي عـرق عـرق
اجمل حصار ٍ صـار فعـلاً0 لاصبـاح ولاصيـاح
وفي فلسفة(علم الحروب) إن الحصار اشـدّ حـرق
مـن لاهـب النيران,والأمراض,والسـمّ الـذحـاح
وكم من حصار ٍ في زمننـا فيـه للمألـوف خَـرق
والواقع الملمـوس! يحكـي مايسبـب مـن جِـراح
لكن حصارك غير وانتـه غيـر فعـلاً فيـه فـرق
هذاك لو سبّـب ألـم! سبّـب حصـارك إنشـراح
وإختامها حيّـا الله اللـي مرويتنـي عـرق عـرق
اللي مسـاء الخيـر مـن فمهـا0 يغنّيهـا الصبـاح
مابعد حفظتها يابوهاني
يحفظك ربي
|