[poem=font="Simplified Arabic,6,darkblue,bold,normal" bkcolor="transparent" bkimage="backgrounds/18.gif" border="none,4,gray" type=2 line=1 align=center use=ex num="0,black"]
مرت..... سنين العمر غربه وترحال=مدري علامك يالسفر مهتويني
سابع سنه.... وانا على الدرب رحال=دار ٍ تقول ارحل.. ودار ٍ تبيني
يوم الوداع اثره من صروف الاهوال=وياكثرها ايام الوداع ابسنيني
كم مرة ٍ ..ٍ عيني.... على خدها سال=دمع الفراق اللي يسم الضنيني
احاول اخفيها.... على... كل الاحوال=امسح دموعي بالكفوف وتبيني
واليوم!!! داري تبعد.. الاف الاميال=ماعفت داري لا ولا بعت ديني
تدفعني.. اعزومي.. على نيل الامال=اركض ورى مجد ٍ تطوله يميني
لي عين تنظر قدم! لايمين.. لاشمال=ولي قلب في الشدات ماهو يليني
والله ماخيب ظن... شيخ ٍ له افضال=رجل ٍ عظيم ٍ بالوفا محتويني
يابوي!! لن ماقيل.... انجبت رجال=ترى وجودي والعدم مستويني[/poem]
|