منتديات المرقاب الأدبية - عرض مشاركة واحدة

06-04-2005, 02:34 PM

مرحبا ياعبدالرحمن

1-من انــت؟؟
راعي البل

2-كم بقي من طفولتك؟؟
الثلثين
3-متى افقت من احلام اليــقظة؟؟
كل ليله وانا اتحملم بها

4-متى كنت عكس ماتـريد؟؟
يوم المرابطه <=----- يعني تغيب وسحب على الدوام

5-اين دفنت أول أحلامك؟؟
بعد عمر طويل ان شاء الله
6-متى سقطت أخــر دمعة من عينـك؟؟
قبل خمس سنين بس ناسي وش السبب

7-متى استطعمت النجــاح؟؟
بعد اكثر من محاوله فاشله ..
8-على من وزعت أفـراحك؟؟
على كل من يفرحلي
9-متى أضناك التعب؟؟
يوم جيت من الدهناء ( اسبوع وانا عند البل

)
10-لمن تبث أعجــابك؟؟
لمن يستحق
11-لمن تسوق عتابــك؟؟
لــ قلبي
12-كيف تـبدد قلــقك؟؟
بقراءة ما تيسر من القرآن
13-متى تــضحك من قلبـك؟؟
عندما يكون هناك شخص غثيث فالمجلس

<---- يبي يغثه
14-ما أكثر شي هـزمك؟؟
بعض الهقاوي
15-ما الصفحــة اللتي ترفض طويــها من حــياتك؟؟
1416 هـ
16-كم أملاً يـبنيـك للمســتقبل؟؟
سبحانه بس

17-مـا الخــطوة الأجــمل في حــياتك؟؟
خطوة الزواج

18-كم يبعـد قلبـك عن عقــلك؟؟
بعد العقال عن الطاقيه

19-ضع عـنواناً لســيرتك الذاتيــة؟؟
الشموخ
20-ما المــوقف الاطــرف الذي مـر عليك ولازلت تـذكـرة؟؟
وصلنا للمهم

سالفه طويله عريضه طال عمرك ..
ايا المدرسه المتوسطه كنت فالصف الثالث متوسط يعني قبل 11 سنه تقريبا
المهم كنت اموت في شي اسمه كوره <----- بس انطرد مره من نادي الهلال اخذ اسبوعين وقالوا مانحتاجك عندنا جناح ايمن

المهم كان فيه دوري فالمدرسه ومن فوز الى فوز تصدرنا مجموعتنا وانتقلنا الى ربع النهائي

وفوز صعب ونتأهل للمباراه النهائيه ( فاصل اعلاني بعد التأهل للمباراه النهائيه غبت يومين عن المدرسه
ويوم درست قالوا وراك متغيب خلك جنب الحبطه شوي قلت ترى ماني بلاعب معكم <--- مسوي لاعب مهم
المهم سامحوني على شاني هداف الدوري ) انتهى الفاصل
نرجع لمحور موقفنا .... المهم ويجي اليوم الكبييييييييييييييير يوم الكاس وهاهو يتلألأ بين عينيّ
<--- كبتن الفريق ياكبتن الهم
المهم ونبدا المباراه وتحفظ فالبدايه تعرف مباراة كاس

المهم يابو الشباب والله وينسقون هجمه
ياولد اطرح الرجال وهو يفلت من حسين هوساوي <---- الدفاع الصلب في فريقهم والله ويرقعنا
بهاك الهدف وينزل مؤشر الحماس ياليل الليل والله وضغط وهجمات وفر وكر وهات ياتسحيب
وينتهي الشوط الاول وامسكلك العيال واحشرهم قلت اليوم يومكم مافيها وانت ياهوساوي
والله ان ما انتبهت لعمرك ليجيك عقال كل شوي وملقمينك كباري <--- طبعاً اكلمه وانا خانقه كبتن مسموح لي

ونبدا الشوط الثاني وضغط في نص الملعب المهم راح الوقت وحنا هوش وطلاب وناول ومرر
ويوم بقا على نهاية المباراه خمس دقايق قلت مابدهاش عطنى الكوره ياللي مدري وش اسمك
وانا اتوغل بين الدفاع واجر الاول والثاني <------- ابو يعقوب على غفله
المهم ويوم نويت اسددها في الباب وهو يجي ذاك العبد التيخ وهو ينفضني لــ كل رجل في اتجاه
ويديني تقاطر دم من الزحفه على الارض وحنا نتلازم بالحلوق ويوم سمعت الصافره والبلنتي وانا اقلبها من هوش لحب خشوم ماهوب حب فالعبد الى على شانها كسرني وجبت بلنتي الله يبيض وجهه <---- حس بالامل وتحقيق الكاس المهم ومن يشوت ومن اللي واثق من نفسه وانا اجيك كبتن والصلاحيات عندي
<---- هذا والله البلشه
واثبت الكوره والعالم والطلاب والمدير والمدرسين يجون ورى الباب على شان يشوفون ابو يعقوب
وهو يسكّن الكوره فالثمنيات والله وانا اكلم العيال قلت ياعيال بعد الهدف لا احد يجيني بروح اسوي حركه
فالزاويه احتفال بالهدف <---- ضامن الهدف ابو يعقوب
والله وانا اخذ مسافه وانا اجيك مكيّم ماتشوف الا الغبار وراي الحارس بدى يصدق يكذب يقول الرجال
ناوي الباب والا ناوي وجهي هههههههههههههه والله وانا اسدد الكوره ومن قوّ التسديده
وهي تسفح يمين فالسماء ولا للكوره عن وجه المدير ورب البيت الشريف ههههههههههههه
وهو يطير على ظهره وعقاله يجينا محوّل فالملعب والله والعالم تتجمع عليه والرجال يغمى عليه
ونسمع كلمه وكلمه ماندري وش يقول
والله وتنتهي المباراه ونخسر الكاس ... ونداوم بكره والله وادخل الفصل
وامسك الزاويه وادق اللطمه مسوي فيها متأثر بالخساره والله وشوي والا المرشد الطلابي
يقول المدير يبي سعد ( جاك الموت ياتارك الصلاه )
والله واروح اله قال مر الوكيل واخذ ملفك وعيني لاتشوفك <---- عاد عليه سته وعشرين محضر غياب
ياولد ماهيب هي انا ادري طردته مو على شان الغياب الحيوان على شان الكوره اللي جت في وجهه
والله واقضب الباب وافلح

وسلامتكم

واسف للاطاله