منتديات المرقاب الأدبية - عرض مشاركة واحدة - عن مرقابكم .. آرائكم .. توجيهاتكم .. إنتقاداتكم .. تصوراتكم .. طلباتكم

07-04-2005, 03:38 AM

الله يقويكم وبيض الله وجيهكم .. هذا ماتعودناه منكم دائماً .. البحث عن الافضل ..

والاخوان ماقصروا كفوا ووفوا ..

مرقاب الادب والثقافه .. يحوول اسمه مثلا الى مرقاب الادب والمقال ..علشان تنتهي المشكله اللي تكلم عنها ابو براك بخصوص مرقاب الصحافه

بالنسبه لموضوعات الترحيب .. قريت اكثر من طلب يطلبون وضعهن في مراقيب اخرى غير الشعبي .. مثلا في العام او تخصيص مرقاب خاص فيهن .. واعتقد ان موضوع الترحيب غالبا مايكون بـ شعراء ..ويكون لا اكثر من شاعر في الموضوع الواحد ..مافيها مشكله اذا تم تثبيته ثلاثة ايام فترة الضيافه وبعدها ينقل للعام .. ويزود الضيف بالرابط اذا ان حضوره تأخر ولا امداه يرد على المرحبين ..
اعتقد نقل مثل هذه الموضوعات خارج الشعبي .. ماهوب من صالحها .. لان الترحيب لن يكون بالشكل المطلوب .. ويمكن مايرد ويرحب الا خمسه او ستة اعضاء..لان البعض مايدخل الا الشعبي
هذي فقط وجهة نظر وانتم بدون شك ابخص

بالنسبه للتسجيل .. رغم ما قد صدر من قرارات بخصوص هذا البند .. الا انها لم تطبق 100% وإن طُبقت .. لا تخلو من بعض التجاوزات .. من شان عين تكرم مدينه

يعني قبل مده صدر قرار كان من ضمنه بند او شرط للتسجيل .. وهو ان لايكون العضو المسجل عضواً في اي منتدى اخر!! ليش؟؟ ومن وين بتجيب هالنوعيه من الشعراء؟؟ والشاعر اللي يعرف الانترنت .. والله ماهوب جالس الى الان ما سجل في منتديات علشان يحاول تكون منطبقه عليه الشروط .. وايضاً الاسماء اللي سجلت اخيراً والله بعضها مايطمن ..لاننا اول مره نشوفها بالنت .. ولم يسبق ان اطلعنا عليهم لا في صحافه ولا حتى بـ الطاري ..

بالعربي لو اجيب لكم اسم او اراسلكم او عن طريق مرقاب الزوار .. واحط لكم كم قصيده واسم ماعمركم سمعتوه .. هل تسجلوني؟ حتى لو طلبتوا ارسال رقم هاتفي للمهاتفه والتأكد اني مانيب عضو في المرقاب .. الله لا يخلينا من الشباب ويتشرفون بالقيام بهذه المهمه بدلاً منك

ايضاً لنكون اكثر انصافاً .. الاعضاء اللي عندهم على يوزرين وثلاثه .. ليش ما تنبهونهم ؟؟ واصلاً وش لزوم هاليوزرات كلها؟؟ولو ان استخدامهن والحق يقال لم يكون سلبياً او مزعجاً بالعكس من اكثر الاعضاء خلقاً واحتراماً .. لكن ماله داعي التدبيل الا اذا صاروا فوق الميه ومعك مشروع<---مسك خط

لا احد يسألني منهم .. لان اللي مايدري معناه ماهوب في المرقاب

مبارك الخليفه

هههههههههه انا اقوول ورى الرجال في موضوع ابن الذيب .. يتعوذ من الاقتباسات .. واثرك ماتشوفهن ..
والله انك ديكتاتوري يامبارك اللي تبيهم يسنعونهن علشانك ماتشوفهن .. ترى السالفه بسيطه سو تحديث لجهازك عن طريق هالموقع وبتصير تطلع الاقتباسات http://v4.windowsupdate.microsoft.com/ar/default.asp
والا اشتر لك جهازٍ جديد يا مال الغنيمه شيخ وجهازك جهاز الطبقه الكادحه ماتصير هذي