سداح

الله حسيبك يا محمد الكرشمي

كان حطيت عمرك على راس القائمه وقلت وش تقولون فيّ ؟ هاهاها
بعدين انتم من متى بديتوا .. ولا علمتوني كلن ضاربيّ خريمه

أما استاذنا معيض لابقه عليه الهايلكس دايم تلقاه فاتح القزاز ومدليّ ذراعه بسبحته ويغني في اجبله واليا وقف عن اشارة المرور عاين في الموتر اللي وزانه وشاف راعيه لو انه اول مره يشوفه وقال هذا شكله معنا في المرقاب
ماهو شريطي هايلكاسات مثل ماقال بيدا الكذب خيبه يا بيدا يعني الباقي صدق وبعدين يا معيض وش قصة الجيب الأزرق ولا لقيت الا ازرق ؟

وش اقول عنك يامعيض .. شاعر مقصر في حق شاعريتك صراحه ومبعثرها على الإشراف والله يكون في عونك


يا عبدالمحسن ( بيدا) انت وش معرفك المدينه الترفهيه ولا مغير تسمع عنها بس سالفة السبحه اتفق معك وهاذا العامل المشترك بيني وبين معيض فقط فقط فقط

بس لاعاد تقول ( وايد ) قراها حضري من اهل الكويت معي في الدوام وتخيلك وانت تقولها صابه .. صابه .. صابه .. اعلمّك بعدين وش صابه .. لأني قايله انك شريطي غنم ولك سوابق مع طرد الضبان والحضري مدري وش جاه قرا وايد واندبلت كبده ماعلينا المهم لا عاد تقولها وبس

وليته صدق اغني في كل محل كان اخذتك معي تقدمني للرايح والجاي هاهاها


الجااافل .. تايد وكلوركس هاااه ؟ ليش غاطن راسي في غسالة الملابس


اما شفق كلامه كبير وهو كبير والكبير الله

حاطني في قالب اكبر مني ومبروزني الله لا يخليني منه .. بس يا شفق ( وايد ) يقول لك الحضري لايقه عليك قلها وايد وسوق شرق اخذت 4 سنين اسمع به ولا ادله لين وداني له واحد من الضيوف السعوديين وبعدها قمت احتري الضيوف يودوني له ما اعرف اجيه لحالي مره

قام يمدحني لا خليت منه ولا ادري وش فيّ من مدوحه مغير اقرا مدحه واحك راسي ومبعثر اناقته قلتها لواحد قال ابك شفق وين شافك ... ؟؟؟

ياخالد الذيابي ماقلت لي اللكزس وش لووونها يعني صحيح

لكزس غماره ونص .. والله يا بوحميد الأحساس مشكلتنا كلنا الظاهر يا الجيل التالي وش ذبحك انت الا احساسك الفايض

وليالي الحلميه سكروها للصيانه مثل قلوبنا ياخالد هالآيام


ناصر تراحيب .. حي هالعين بس الظاهر بحط صورتي على حساب ردك انت بالذات هاهاهاه

كلامك ماعلاه زين الا سالفة تحديد السن هاذي


والله فيكم اللي جابني ميه ميه مير ماناي معلم منهو ،

تحيتي للجميع وللاخ الغالي / محمد الكرشمي صاحب هذه الفكره التشكيليه التشكيكيه



انا عن نفسي مع الأخوين ناصر تراحيب وفهد العازمي شفق شفق

رست عليك المناقصه ياشفق ..


شفق رجال يحب العلوم الطيبه بانواعها

له حضوره الطيب في المجتمع ، كشيخ ولا هوب مبعثر اناقته

شاعر مقل جداا في النشر

دائما يحب ارضاء الجميع

ديونه واجد وعليه اقساط شهريه بقيمة اجماليه 5 الاف ريال والله اعلم



وكملوا معي على شفق

>> هات و دوك ! <<