قهر يزيد

[poet font="Simplified Arabic,4,black,normal,normal" bkcolor="transparent" bkimage="backgrounds/3.gif" border="ridge,4,gray" type=0 line=200% align=center use=ex length=0 char="" num="0,black" filter=""]


الموت لا قفى رفيقك وخلاك=وصرت الوحيد اللي تصارع زمانك

والجرح لامن باعك الحب وانهاك=وخلك نسى حبك وقدرك وشانك

الوقت مايلطف والايام تشناك=وقسوة زمانك حطمت لك كيانك

اصبحت تايه والمتاهات ملفاك=بين الامل والياس ضايع ضمانك

وبين الرجاوالخوف تاهت بك اخطاك=يمتك ضاعت وانت حاير مكانك

وحيد والطرقه خطر كلها اشواك=مالك سوى صبر(ن) وقف لك واعانك

الناس تجهل ماخفى من خفاياك=والناس ماتدري لو الوقت خانك

ولو خانتك دنياك والكل جافاك=لك رب يعلم في خفاك وبيانك

ماضيعك يوم انه اوجدك واحياك=ضمن لك الارزاق. بالعقل زانك

وقدر لك المكتوب من وين ماجاك=ويدري عن اللي خافي(ن)في جنانك

ميرالبلا لا خانك اصحاب دنياك=والوحده اضحت عالمك مع كيانك

مااقول غير الله يعينك ابلواك=ويجبر عزا قلبك بصدمة زمانك



[/poet]



شاعرنا القدير سعود المسعودي


قصيدة تغني الحكمة بسلاسة وأناقة ..


ألق غير مستغرب ...


دمت على العز والمجد



تحياتي اللائقة