[poet font="Simplified Arabic,5,darkblue,bold,normal" bkcolor="transparent" bkimage="backgrounds/3.gif" border="groove,10,gray" type=2 line=200% align=center use=ex length=0 char="" num="0,black" filter=""]
موتـري مـن جربـه فالمهمـه مايبيـع=كم دايـارٍ دونهـا البعـد يقهـر داجهـا
يـوم شيكتـه ومسكتـه الخـط السريـع=اربـع اسيـادٍ يحـد الرصيـف سياجهـا
وارتفع صدره وهو ناصٍ الـدار الرفيـع=منـوة العيـن الحزينـه وفـل حجاجهـا
كن وصفـه مزنـةٍ جـا لبارقهـا لميـع=ساكرٍ عنها الهـوا ماصطفـق عجاجهـا
منـزةٍ ربانهـا فـي مقادمـهـا يمـيـع=تصبح الوديان تمشـي علـى مدهاجهـا
صافياً من دونها الجو فـي ليـل الربيـع=عاكسـاً فيهـا القمـر زايـدٍ وهاجـهـا
من شكامينه تشوف اللهب يقـدح جميـع=مثل ما تقـدح نجـوم السمـا فأبراجهـا
والعلامه فورد فوقـه لهـا شكـلاً بديـع=تاج عذراً زينت الوصـف تزهـا تاجهـا
طول وقتـه جاهـزٍ للسفـر والله وديـع=كم جروحـاً فالسفـر طبهـا واعلاجهـا
السنين تمـر عجـلات والهقـوه تضيـع=كم زهـدت بحاجـةٍ وثرنـي محتاجهـا
كل ما سكرت ريع انفتـح تسعيـن ريـع=وامست اركاب الهقاوي تعـود ادراجهـا
تضحك الدنيا وهـي ماتليـن ولا تطيـع=ماتغر ضحوكهـا مـن عـرف منهاجهـا
ضحكة الدنيا ماهي ضحكة الطفل الرضيع=المصايب فـي قفاهـا تسـوق افواجهـا
كم غلامٍ طال راسـه ورى سـداً منيـع=لونزل لبحورهـا ضـاع بيـن امواجهـا
يحسب أنه قاصر المعرفه يحسـن صنيـع=ما درى أنـه عشبـةٍ ماوقـف هداجهـا
مع رداته كـل ماسمـع لـه علـمٍ يذيـع=ما خشى مـن كلمـةٍ ماصـدق هراجهـا
فالرخى والسلم كلاً يحسـب أنـه شجيـع=ميـر مايرفـع فالأنـذال نفـخ اوداجهـا
مااخدعنا بالمضاهـر وحيـلات اللكيـع=بدد الظلامـات نـور الصبـاح وباجهـا
ياالله اكتب لي بيوم اللقـا عنـدك شفيـع=في نهار الوقفـه اللـي عليـك افراجهـا
[/poet]
اخوي الشاعر الكبير محمد السميري
صح لسانك مليون ولايكفون
ابداع كعادة المبدعون شرواك
سجل اعجابي الدائم
اخوك
محمد الدهيمي
|