[poet font="Simplified Arabic,5,darkblue,bold,normal" bkcolor="burlywood" bkimage="" border="groove,4,seagreen" type=2 line=200% align=center use=ex length=0 char="" num="0,black" filter=""]
احيان الشعر يكتب نفسه
هذه في رحلة العلاج عام 1413


الله من ليل قضيته على النيل=شرقي جنوب القاهره فالبحيره
من دهمة المغرب ليا تالي الليل= مقعادنا في جلسة مستديره
يا ما قضينا من مزوح وتعاليل= كل يعبر من مخازن ضميره
والكيف طاب ودار بين المشاكيل=والبحر خير ونسمة البحر خيره
كيف مسوينه من البن والهيل= ما هو كبتشينو وببسي وبيره
نحساه ونصبه ببيض الفناجيل=كار لنا يا شعيل ما هوب عيره
نقوة رجال ومحتسين المعاميل= نرعى بلدنا ما رعانا سفيره
قالو سليت من العنا قلت بالحيل=في ديرة ما مثلها كل ديره
نسمة هواها للكبود المعاليل= اخير من طب الدكاتر وغيره
مير الصباح احجز لي اوكيه يا شعيل= هاك الجواز وجهزه للمسيره
على قطاة ميلها عن مية ميل= ام الجناحين العراض الكبيره
ما عاد ابا المقعاد جاني ولا ويل= واجازتي شهرين ماهي قصيره
في نجد ابا حيان ذباحة الحيل= مالي هنا في مصر ربع وعشيره
يدق خفاقي على دقة التيل= واحب ويش اخبار نجد ومصيره
دار الوفاء دار الشرف والرياجيل= ال السعود عيال صقر الجزيره
لعل يسقيها صدوق من السيل=يروي ثرى ام المسجدين المنيره
هي قبلة الاسلام جيل بعد جيل= ما دق فيها عابد القبر زيره
[/poet]

[poet font="Simplified Arabic,4,white,bold,normal" bkcolor="transparent" bkimage="backgrounds/50.gif" border="double,4,gray" type=0 line=200% align=center use=ex length=0 char="" num="0,black" filter=""]
التطرف كارثه والغلو سم العقول= والخيانه من عيال الوطن سم الكبود
[/poet]