الاخوه الأحبّه في الله ، وفي هذا المكان العزيز


يسرني بعد السلام عليكم ، ان انقل لكم هذه المساجله بين الشاعرين :


علي بن عبيد الحصني و زيد بن مبشر الحثل


من حرب


مساجله اعجبتني لإحتوائها على اساسيات المساجل . واتوقّع ان تعجبكم


والبدايه كانت من الشاعر// علي الحصني يقول :



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم إن طاروق القصيد استقاما=وقرايحي هاضت على الميم والنون
توافدن يوم الخلايق نياما=وتراكمن بالقلب ما أعرف لهن لون
يوم إنهن سوّن على القلب زاما=ثم انجبن قافٍ مقفّا وموزون
بذلت جهدي للكلام التماما=والآدمي ماهو عن النقص مامون
والشعر في حالٍ يسد المقاما=لا صار له مغزا ومعناه مضمون
أنا أشهد إن الشعر يرو الحياما=يروي كبود اللي على الشعر يضمون
وأبا أنشد الشاعر عزيز المقاما=اللي جماهيره لشعره يحفظون
يازيد لو عز الرجاجيل داما=ماشفت فيهم واحدٍ يتبع الهون
وين النشاما ياعشير النشاما=اشوفهم فوق الاصابع يْعَدّون
قصدي رجالٍ يدركون المراما=يابو فهد ياعلّهم مايقلّون
عيّنت ربعٍ يحتمون الجَهَاما=وعيّنت ربعٍ للطراقي يعزمون
سود البيوت مبدّله بالخياما=يوجد لها ناسٍ من الناس يبنون
وإن جيتها حصّلت روسٍ تواما=وليا هرجمْ محدٍ عرف وش يقولون
خشاش صيدٍ بالجحيم يتراما=أيامنا يازيد من دون في دون
خسران من جاها ورد السلاما=الرابح اللي دونها حط كيلون
حتى البعير اللي عليه السناما=اشوف رعيان الغنم له يسوقون
وأنا لَوَ أبا أعِدّ ياما وياما=أشوفها بالعين وأنتم تشوفون
يازيد لو ما الطقّ فكّ اللّحاما= ولّعتها جمره على راس غليون
وبعض العرب يجرح صيام الصياما=ولا يحتمل شلفا ولا حد مسنون
لكن لو سيفه يقصّ العظاما=مايجبر الصاحي على ثوب مجنون
آخر مصيره عظّته بالبهاما=لكن متى الناس النياما يقومون
أفصحت عن ما بي ومسك الختاما=خلّ الطروش بكل ديره يدوجون
وخلّ العيون تلد شرقٍ وشاما=لعلّهم عن ليلة العيد يدرون[/poem]



وفيما يلي رد الشاعر زيد الحثل :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللي مالك اسماً تساما=فردٍ صمد وأسماك تسعه وتسعون
يامبريٍ يوسف من الاتهاما=عالم خفايا الكون ومكوّن الكون
مدك جزيل ومد غيرك هلاما=وش يمنعون الناس من شان يعطون
يوم البشر قسمين فرحا وْنداما=خسران من يرجي سوى مدّك العون
وهزل الكلام تشيل منه الآثاما=ناسٍ يقولونه على شان يوحَوْن
وبعض المعاني مثل ريح الخزامى=يصغي لها راع النظر سمع وعيون
والبعض ينظمها بلياّ نظاما=مثل الضريع ولو ملت كل ماعون!
قرايحٍ تلقح وتنجب تواما=وشعاّر واد الهيم قاموا يهيمون
ياكثر مانسمع ونين السقاما=تبحل مشاكيهم لها ظْهور وبطون
بصوتٍ صداه ازعج قلوب النياما=ويقيّمون الناس جزلين وعفون
ياعلي لو تمسح دموع اليتاما=يمكن ليا سمعوك الأموات يحيون
يامدّعي بالظلم وين الظلاما=لا تنفخ الجمره ترى ابليس ملعون
وإن لبّسوك مشجّعينك وساما=تضحك على الثرمان لوما لك سنون
واللي عن اليمّه عيونه تعاما=عنه النشاما الْيا تدانا يشومون
ياخذ على ضوّ الجحيم ابتراما=عنه المثل واهل المثل وش يقولون
بعد النظر خلىّ النشاما حطاما=اقصر نظرك شوي وارفق على هون
وعِنّ الحصان وحطّ فيه اللجاما=ترى اللّسان حصان مِطلَق ومرسون
ومكارم الأخلاق عند الكراما=ومن عَزّ نفسه مارجا مَدّ قارون
ياللي نَعَيْت البِلْ وأهلها القداما =عسى البقا بْعمرك راع دْلال وصحون
تفرح بك ضيوفٍ جياعٍ ضراما=مادام مابه ناس غيرك يضافون
ياكثر ماتدمي نهار المداما=لو أنت ابن حثلين وألاّ ابن لعبون
تبا على قطمة طميه تطاما=متحلّم إنك زوجها دون ماذون
مِرّك يزوم وطامعٍ بالزماما=وتقول أبا اللي ضاقوا العام يرضون
ترى الجمل دونه رجالٍ تحاما=صاحب قرار وخشم عمّار مدهون
ياعلي من هامه طواه الهياما=يبا يجي مديون ويروح مديون
يالشاعر الفاهم فدوك الغشاما=اللي على ياليل أدانا يْتنادون
من سفرة الأفراح دايم بِشَامَا=ناسٍ بلا داعي عليها يْتعادون
تمّت يابو فارس وزبد الكلاما=مالك ومال أوضاع مالك بها شون[/poem]

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348