غالب الشريف

وش احرج سؤال لقيته طوال الاسبوع السابق ؟
اسئلة عبدالرحمن بن حمد


ومن اللي كنت متوقع له اسئله قويه وجت في الخف ؟
كلهم ما قصروا " من يد نشيط في يد نشيط " ما منهم اللي جت اسئلته في الخف

ومن اللي كنت مستبعد وجوده وتواااجد ؟؟
طايل الذويبي الله يطول في عمره

..

والمحور الثاني

من الشاعر اللي تقف عند قصيدته اكثر من مره وتفكر بها مليّاً <---- حلوه مليّا
ابن جدلان مليا" بلا منازع <--- اهم شي اجيب في الاجابه كلمه ( مليا" )

بوجهة نظر غالب ... اين الناقد ؟؟
موجود ولكن غيابه اكثر من حضوره

وهل الناقد يجي من الباب والطاقه او لازم ان يكون له خبره طويله في الشعر وتمرّس .. ام الناقد هو الاكاديمي المتخصص في النقد ؟

- ما عوامل نجاح القصيده يا غالب ؟
الشاعر وملحقاته

-هل تتقبل القصيده ام تتقبل الشاعر ؟ يعني مثلا .. قريت لي انا قصيده وكان مستواااها جدا ضعيف وبعد فتره قريت قصيده ثانيه ومستواها اضعف .. وانت سمعت ان مستواي افضل من ذلك ؟؟ هل ستنتظر لي جديد ام ستكتفي بالقصيدتين ؟؟
ما يهمني الا القصيده ولا نيب ارد في الاسماء واجد
وما تصدق لو اقول لك ان اسلوبي هذا مسبب لي حرج
لان اكثر الاحيان اكون موجود مع مجموعه ويتابعون لهم برنامج " فيه شاعر كبير " ولكنه ما يعجبني واصرح برايي في هذا الشاعر القاهم كلهم ضدي

والسؤال هذا يسحب له سؤال ثاني

هل يمكن ان يتذبذب مستوى الشاعر يعني تشوف له قصيده ممتااازه و بعد اسبوع تشوف له مخوّعه ؟ وبعدين يجيب له قصيده ممكن ان تخلد .. وبعده يعوّد على الخوّاع ؟!!
يمكن يخوع مره او مرتين
اما ان كانه مرتن قصيدتن زينه ومرتن خايعه
هذا يا اما انه يسرق والا ان " جنيه يغيب ويحضر "


ابي وجهة نظر غالب عن المرقاب بشكل عااام .. ما يميزه وما يعيبه وما ينقصه ؟
وجهة نظري ان المرقاب ممتاز

واخيرا .. كم ساعه تأخذ معك القصيده يا غالب ؟ ومن اول من يسمعها ؟؟ وليه ؟؟ وما الوقت اللي غالبا يأتي فيه الالهام الغالبي


كم تاخذ معي :
تاخذ معي اقل شي يوم - واكثر شي تاصل للشهور
اول من يسمعها :
" اقرب واحد عندي وله نظرة فالشعر "
اما وقت القصيده :
فوالله مالها وقت معين لكن افضل الاوقات فالليل


وسلامتك وسلامي عليك
وانت سالم وغانم يابو عبدالله وبيض الله وجهك

.



الموقع بعشر لغات .!
http://mohammad.islamway.com/


ديواني