|
محاوره بين ثنيان الرشيدي و الشاعر الكبير صياف الحربي
الاخوا اعضاء وزوار منتدى المرقاب.
انقل لكم محاوره جميله جرت بين الشاعرين.
ثنيان الرشيدي و صياف الحربي في المدينه المنوره..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ثنيان..
يامرحبا بسم المدينه واهلها من كل صوب=عند الرجال اهل المكان اللي عزيزن شانها
ياطيب ليلن جاب لي صياف من بد الحروب = اللي وزنها في يديه ولاشرا ميزانها
صياف..
الك البقا والطيب يوجد فالشمال وفالجنوب=والطيب من فعل الرجال اللي طوال ايمانها
حنا سرينا الليل كله كان ماهبت هبوب=وان كان هبت قوم سج الخيل في ميدانها
ثنيان..
الناس تجهل في بعضها ماملكت سر الغيوب=لكن طلوع الشمس من فوق العرب برهانها
ترا الوعد لك يالسحيمي فالوسيع من الدروب=لا لاح براق المزون اللي عزل ربانها
صياف..
ياكثر ناسن مايعرفون الطلوع من الغروب = مثل السفينه فالبحر يوم انقلب ربانها
ترا الدروب البيض بين الناس مافيها عيوب =واهل العوايد لاتغمض والكحل فاعيانها
ثنيان..
مادام عينك صاحيه منته عن النور محجوب=اقرب من الصوره وتعرف شكلها والوانها
انته تصعبها وهي ياعود مافيها صعوب=كل الطيور مسطره بالمسطره جنحانها
صياف..
خيل العرب ماعاد فيها لانزول ولاركوب=عشرين منها فاول الهجمه تجر ارسانها
الله يعينك قوم سو السالفه باحسن سلوب=واليا هداك الله تحط النون مثل اخوانها
ثنيان..
خيل العرب راحت بعد جوها كبيرين القلوب=اللي تدور دربها واللي تجر اعنانها
اللي مضى فالباخره مافيه للراكب ركوب = واليوم لرياح الهبايب فتّحت بيبانها
صياف..
مايبلش العربان غير الشيخ نفاخ الذروب = اللي ليا قرب من الحيه تمد السانها
الظاهر انك تطلع من الحفل مغفور الذنوب= هذا هدف من يرمي الحبه على طحانها
ثنيان..
حنا ترانا مانبيها يبيض الشارب سحوب = الخزنه اللي دونها سلطان من سلطانها
حنا ذخرنا السيف ياصياف لاشبت شبوب=وام الكباير مالها الا لسان مثل السانها
صياف..
حنا نبيها في ردون الثوب ماتصل الجنوب=ياشين رمي البندق اللي منعفت نيشانها
انا تراني يابيض الشارب مافتش بالجيوب=اخذ ماشاح ولاح والدنيا ياكثر الحانها
ثنيان..
تبا تبين الشمس فوق الثلج لين انه يذوب=تارد عليه الناس وتعبي منه صملانها
انا ادري انك يالسحيمي لامهبول ولاكذوب=احرفتها براس العصا واضفت عليك اغصانها
صياف..
تبا تبين الشمس مير الثلج الابيض دوب دوب =تارد عليه ام العيال وقرقعة قدحانها
حنا حسبنا المكسب المعروف والاصل محسوب =لوكان بعض الناس تدري كان زاد جنانها
ثنيان..
انت متجهز للقشر والا متجهز للهروب =نارن لها دخان بين ايديك وش دخانها
ماراح شي من الجمال الا البعرين النصوب=اللي تطب اوطان يابوزيد غير اوطانها
صياف..
ماعندنا وحده من الثنتين يالشيخ النصوب=اليا دهنّا الروس والله مايروح دهانها
ابليس حوّل في جهنم مير عيا لايتوب=ذلوله القشرا لك الله مايمس بطانها
ثنيان..
ان كان صرت بنص درب الناس يالقاضي نشوب=نصبر على اجحا لين ياخذ حاجته ديانها
الهرج واجد والعرب مابين غالب ومغلوب=مير المدينه ياسحيمي كم عدد سحمانها.
صياف..
ياكثر قدحان العرب فالبيت والديس محلوب=الجوع ذبّحهم وخبز الهند في عمدانها
اهل الحجاز من الكرم مايذبحون الا العصوب=واللي قعد ياكل ثلاث ايام من عصبانها[/poem]
|