سمعت لي كلمة مدري وش اقصاهـا
حزت بنفسي وأنا مانيـب هارجهـا
لوكـل كلمـة إل ىجتنـا طردناهـا
بعنـا الثمينـة بسعـر مايخارجـهـا
لو مـرت السمـع ماكنـا سمعناهـا
ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا
والناس واجد وتلقـى مـن يروجهـا
من جابهـا بيـن خلـق الله وداهـا
لو به مراجل تـرى نفسـه يسمجهـا
ومن عامل الناس في سابق خطاياهـا
يقعـد بـدار خـلا مـاداج دايجهـا
في كنة تشوي الجربـوع رمضاهـا
وتابس غصون الشجر من حر واهجها
والناس بالحق حكم الشيخ ما أرضاها
ماتقنع النـاس لـو انـك تحججهـا
ياللي تبا الطيبـة خذهـا وعطناهـا
وخـل الطريفـة طريـة لا تثلجهـا
وأقضب طريق الأوادم وامش ممشاها
أتبع دروب العرب وأدرج مدارجهـا
وأرسـم لنفسـك حـدود ولا تعداهـا
من حط نفسه بدرب الضيق يحرجهـا
وان كان نفسك هواهـا قـام ينحاهـا
حط الأعنة بروس الخيل وأسرجهـا
وفكـر بمنكافهـا قــدام مغـزاهـا
واضرب حساباتها وتشـوف ناتجهـا
وكل بعضده يمـوح الدلـو برشاهـا
وتلقى كبود الضوامي مـن يبرهجهـا
وان كان توك على صـدرك تهجاهـا
حنا ترانـا نـدرس فـي مناهجهـا
من يـم مصباحهـا نبعـد معشاهـا
إلى قعـد راعـي الضلـع يدرجهـا
لو هي صعيبة إلى انعاجت عدلناهـا
واللي تجي مستقيمـة مـا نعروجهـا
نهتم فـي وزنهـا وابـرام معناهـا
ومـن الكرستـال واللولـو نتوجهـا
مثل الجواهـر ليـا منـا نضمناهـا
وسلوكها من جديد الـزري ننسجهـا
مخايـل تردتـدم والصـدر منشاهـا
لا دك بالبـال داكــوك يهيجـهـا
وليا أمطرت ضاقت الوديان في ماها
تاخذ إلى الحول ما يبسـت مدالجهـا
وان صدت الناس عنا ما أعترضناها
مـا تقفـي النـاس عنـا ونتولجهـا
وإن جاتنا الطيبـة بالطيـب زدناهـا
الطيبـة بالعسـل والسمـن نمزجهـا
وان جاتنا الثانيـة نصبـر ونرفاهـا
يمكن إل ى فـاق راعيهـا يعالجهـا
وان عادهـا عـودة ماعـاد ينساهـا
من حربة في صميم الصدر نولجهـا
مسمومـة يبلـش الدكتـور بدواهـا
مايقنع الخبـل ليـن أنـه يلامجهـا
جعل ابو من جابك للجنه أنت وابن زويبن
وكثر يمال العافيه من قصيده تراه يروي الذايقه ويفيضها بالابداع
|