[poem=font="Simplified Arabic,4,orangered,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا يا بحروالله ان فرقا الولايف شين=ولا انته ببحريني ولا نيب بحريني
غريبين دارك وين وانا دياري وين=عسى الله يكون بعون كل الغريبيني
تلاطم مياهك ضايق الصدر يا مسكين=لعله يروفك من يروف المساكيني
يمرك خلي البال ما لد فيك بعين=وانا ساع شفتك عنك ما حولت عيني
احس اني اعرفك منول مهوب الحين=ولو ان ما من معرفه بينك وبيني
اعرف الوجيه اللي نحتها العنا والبين=على قول راع السالفه خبزة يديني
واعرف الدموع اللي على وحده وثنتين=تعلق بعينك كنها تاتناديني
اقدر ظروفك وانت دمعك يبل الطين=وانا كيف الومك وانت دينك على ديني
وانا قصتي يا بحر قصه تهز الصين=لها في وجيه أهل الكرامه عناويني
لها جرح يبقى في خفوقي ليوم الدين=أجل عاد وانها قطعه من شراييني
تبى تشتكي لي غيبة الأهل والغالين=انا مثلك اشكي غيبة أهلي وغاليني
تبي تشتكي لي حيٍ اقفى مع المقفين=انا ماعرفت الا وجيه المقفيني
تبي تشتكي لي طعنة السيف والسكين=تهايق بصدري وانت تلقى السكاكيني
واذا كان تاتبكي وتنثر دموع العين=تراني على حد البكا لا تبكيني
دخيلك كفايه لا تجيني بوجهٍ شين=انا اللي لقيته من زماني مكفيني
اقوله ويا درب الشقا متعب الماشين=على وين يا درب الشقا تاتوديني
ولا يا بحر باكر يجينا بوجه زين=عسى الله يفرجها علينا قل آميني[/poem]