عناد النفيعي

تمّـر السنيـن الله يسلمـك ويعافيـك
وقوّي العزوم اقسى الظروف يتحداهـا
ماهي مشكله لا اغليت لك واحدٍ ناسيـك
مع الوقت والايـام ,, تكبـر وتنساهـا
بس المشكله لا اقفيت عني وانا اراعيك
وما قدّرت عينٍ في رجاك نثـرت ماهـا
عطيتك غلاً غيري من الناس ما يعطيك
وسلّمت لك روحـي بماهـا و مرعاهـا
وبعد صار كن اللي حصل شي ما يعنيك؟
الا وحسافـة عشـرةٍ هـذي اتـلاهـا
الا وحسافه ليت ترجـع سنينـي ذيـك
ابردهـا وانسـى المحبـه وذكـراهـا
ابردهـا و ارد شـي ٍ ماهـو خافيـك
ابرد حـبٍ تـل روحـي مـن اقصاهـا
وابرد يوم احن واشتـاق لـك واجيـك
وباقـي العبـاد امـرهـا واتعـداهـا
وابرد يوم ازعـل وازعّلـك واراضيـك
واقول الخطايا من هوى البـال حيّاهـا
وابرد طعناتـك وغلطاتـك و ماضيـك
ولياليك و بيـوت القصيـده ومعناهـا
وابرد لـك ذكـراك لا مرنـي طاريـك
على شان ما اعيش الحياه ,, اترجاهـا
وابـرد يـا لبّـا عيونـك ويـا لبيـك
وتراحيب روحٍ هزها الشوق واضناهـا
وابرد حتى جعلنـي مـا اتبـدل فيـك
من الناس غيرك يا اجمل الناس واغلاها
وبعد جيتني عقب الغيـاب الله يحييـك
لكْـن المحبـه والله مـا عـاد تلقاهـا
عسى الله يقدينا السنع ونتجمّـل فيـك
مـع عالـم ٍ قـدام عرفـك عرفناهـا


لله درك ياهالانسان الشاعر المبدع

والله ثم بالله يامسفر يابوخشيم اني مسجل اعجابي في متصفحك من اول حضور لك .. ولي الشرف

وهالحين ابصم باصابعي العشرة وأوقع على هالابداع .. ماشالله تبارك الله والله لايضرك


كثر الكلام مافيه فايدة ..

تأكد بإني احدد جماهيرك وأحد متابعيك .. ولي الشرف ..

سلامي عليكــ ..

.




ss15s1@hotmail.com