[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,4,gray" type=1 line=0 align=center use=ex num="0,black"]
تمّـر السنيـن الله يسلمـك ويعافيـك=
وقوّي العزوم اقسى الظـروف يتحداهـا
ماهي مشكله لا اغليت لك واحدٍ ناسيـك=
مع الوقت والايـام ,, تكبـر وتنساهـا
بس المشكله لا اقفيت عني وانا اراعيك=
وما قدّرت عينٍ في رجاك نثـرت ماهـا
عطيتك غلاً غيري من الناس ما يعطيك=
وسلّمت لك روحـي بماهـا و مرعاهـا
وبعد صار كن اللي حصل شي ما يعنيك؟=
الا وحسافـة عشـرةٍ هـذي اتـلاهـا
الا وحسافه ليت ترجـع سنينـي ذيـك=
ابردهـا وانسـى المحبـه وذكـراهـا
ابردهـا و ارد شـي ٍ ماهـو خافـيـك=
ابرد حـبٍ تـل روحـي مـن اقصاهـا
وابرد يوم احن واشتـاق لـك واجيـك=
وباقـي العـبـاد امـرهـا واتعـداهـا
وابرد يوم ازعـل وازعّلـك واراضيـك=
واقول الخطايا من هوى البـال حيّاهـا
وابرد طعناتـك وغلطاتـك و ماضيـك=
ولياليك و بيـوت القصيـده ومعناهـا
وابرد لـك ذكـراك لا مرنـي طاريـك=
على شان ما اعيش الحياه ,, اترجاهـا
وابـرد يـا لبّـا عيونـك ويـا لبيـك=
وتراحيب روحٍ هزها الشوق واضناهـا
وابرد حتـى جعلنـي مـا اتبـدل فيـك=
من الناس غيرك يا اجمل الناس واغلاها
وبعد جيتني عقب الغيـاب الله يحييـك=
لكْـن المحبـه والله مـا عـاد تلقاهـا
عسى الله يقدينا السنع ونتجمّـل فيـك=
مـع عالـم ٍ قـدام عرفـك عرفنـاهـا[/poem]
مسفر
شهادتي فيك مجروحه
ولو قلت ما قلت
ما وفيتك حقك
ما اقول الا صح السانك مدد
تقبل تحياتي
|