مبارك آل خليفه

علي مبارك مرحبا بك ذلحين ومرحبا بك لا عوّدت وفي كل وقت





ولكن سمو الامير بدر بن عبدالمحسن يكتب الشعر الحر؟


ونعم انا ما قلت شي والسؤال هذا انطرح علي كم مره وجاوبت نفس الجواب انا ما اقول ان بدر ضعيف والا مهوب شاعر ياخي بدر كلنا نقرا له ونحفظ له ونحب قصيده وحتى في الحر مبدع بدر لانه مبدع في الشعر عاد اللي مبدع في الشعر لو كتب الحر لو كتب الروايه لو كتب القصه لو رسم كيفه يسوي اللي يبي لكن لا تقول لي ان الحر شعر .. آسف

على فكره قرأت لنزار قباني وهو من افضل من كتبوا الحر يقول : الشعر الحر يعطيك مجال ان تتخلص من القيود ومجال للاسهاب ووللاريحيه التامه في تسلسل الافكار كيف ما تشاء لكن لا يسمى شعر !!

هذا يقوله نزار قباني .. ما علينا من نزار .. انصار الشعر الحر يقولون انهم كتبوه لانه الافضل لانه خالي من القيود ويعطي العنان للتفكير والاسهاب والاريحيه هنا اقول انه حيلة الضعوف !!

لانهم هربوا من القيود ويبون ياخذون راحتهم على الاخر هذي كل القصه ياعلي




شعراء المرقاب 8 بدون ذكر اسماء والباقي ماذا نسميهم ؟ هل هم ليسوا بشعراء؟


الا الشعراء في المرقاب وبرا المرقاب واجد لكن انا اقول شعراء المرقاب اللي يمثلون المرقاب 8 من وجهة نظري والا فيه غيرهم هوّام ماهم بشعراء وبس لكن لهم تواجد في المرقاب وغيره ال8 ارتبط نجاح المرقاب بهم وارتبط نجاحهم بالمرقاب



مبارك الخليفة من الشعراء المميزين لكن للاسف الشديد هنا امسية جمعتك مع الشاعر سعد الحريص وكان هناك شاعر ثالث على مااظن انه حمد بن محمد ووجدنا باحد التغطيات يلغون وجودكم ماهو السبب بنظرك؟


علي شكلك تقرا مجلة الفوارس وتكتب
عموما انا جاوبت على هالموضوع في المجله وقلت ان التغطيه ما همتني والشاعر الثالث هو الشاعر محمد بن حمد المرقابي الجديد وسعد الحريص شاعر كبير وله اسمه واهم شي ان الامسيه اعجبت الناس وعادني اسمع اصدائها للحين اما ليش ؟؟ اسأل الاخ الصحفي




وهل هناك عداوه بينك وبين الاعلاميين في قطر؟


عداوه !! ليش لا سمح الله ؟ لا بالعكس كلهم اصدقاء وغالين والدليل انهم كلهم لا طلبوا مني شي قلت على خشمي وشاركت في الجرايد الثلاث وفي بروق وفي اذاعة قطر وفي اذاعة صوت الخليج وفي تلفزيون قطر كلها لو فيه عداوه ما كان عيّنتني في ذا الدنيا كلها .



مارايك بحمد الزكيبا هل يستحق ان نطلق عليه مسمى اعلامي؟


وناااجح جدا وذكي ورجل محترم ويتعامل بكل اخلاق بعدين يا اخي تراه اكفأ من غيره الرجل اكاديمي خريّج كلية اعلام وابو نوره حتى لو ان شهادتي فيه مجروحه لكن هو كفو لكل مدح



قصيدة الصقاقير اللي بدايتها ياسعيد بن عوجان مسيك بالخير الا ترى ان فيها مضايقة للصقاقير؟ بالعلم هذا هو رايك الشخصي



قلت لك اللي يزعل مهوب صقار بعدين ابن عيينان وحمد بن فطيس معطيني الضؤ الاخضر حاسبهم هم وطبعا رائي شخصي وتراها كلها مداعبه لسعيد بن عوجان لكن خذت اكبر من حجمها



أربع رسائل لمن توجهها ؟

1- للمرقاب .. فووووووووووووووق هام السحب

2- لحبيّب العازمي .. ياخي شارك في المنتدى شوي والا واجد

3- لناصر الهاجري .. يعطيك الف عافيه

4- لك .. ياخي ليش كذا ؟



مارايك بالساحه الخليجيه بوجه عام ؟ كيف ترى الحركة الشعرية في هذه المرحلة؟

علي جوابي بيكون تقليدي ان الساحه فيها الزين وفيها الشين لكن ما علينا من الشين المهم ان الزين واجد

والحركه فيها بركه




من يعجبك من الشعراء القدامى؟


واجد صعب احدد اسماء اللي يعجبني قصيد اكثر من الاسماء




ما الذي يحول بينك وبين تواصلك مع مختلف المطبوعات التي تعنى بالشعر؟




مابه شي لا طلبوا شي قلت حاظر وممنون






لاهنت يابو عبد الله واسمحلي لاني كنت جريئ معك في بعض الاسئله لحبي لك وتقديرك عندي


الله يطول عمرك شعور متبادل يا علي ويا مرحبا بك

@mubarak_abdulla

Mubarak.alkhalifa@hotmail.com