مبارك آل خليفه

مرحبا يا مسفر عليك السلام والرحمه والبركه

تدري وش المكشله ؟؟
المشكله اانك تسكت تسكت تسكت وتجيب العيد دائما جعلني ما ابكيك


عموما ببدا من حيث ما انتهيت ...

هقوتك ان شاء الله اني بحاول اني اكون عندها واللي جعله انتوا يا بني هاجر صعبين جدا

لكن مرحبا بك وباسئلتك ....




تقول ؟ :



1-ماهو انطباعك عن المجهر ؟ وكم واحد دبل كبدك؟وكم سوال ما له داعي ؟ وكم اجابه منت بمقتنع فيها ؟



- المجهر موضوع راقي جدا وممتع جدا وبيّض الله وجه سعد وجميع من شارك في المجهر
اما دبلة الكبد فكانت برا المجهر ...
والاسئله واجد والاجوبه واجد بعد لكن بنتعالم ذا الليل ان شاء الله بكل شي








2-في لقاء لك في مجلة (بروق) صرحت وقلت ان جمهورك جمهور فزعه . وبعد ذالك نفيت ما قلته . ما هي الاسباب التي جعلتك تنكر ذالك؟




ياخي الجماعه كتبوا بالغلط واللي خلاها تمشي انها مانشيت في الغلاف لكن لما تقرا اللقاء داخل تلقى القصه غير وانا دامك انت وشرواك تفزعون لي فنعم اعترف وافتخر ان لي فزعه لكن ان كان قصيدي مهوب معجبكم لا تفزعون لي










3- هناك تهمه اتهمت بها بانك تجاهلت من ساعدوك في بداياتك . فما ردك على هذا الموضوع ؟





والله يا مسفر اني انقهر من الموضوع هذا لأني اكن التقدير للجميع بداياتي متى ؟
اذا كان من زمان نعم كنت انشر في صفحه لمقيم الخيارين واللي ياخذ وينشرها راشد بن جليميد والا انا مالي والله واهس لكن ابو جليميد من حب وغلا ياخذها وينشرها
الى ان صدرت مجلة قوافي وجا سالم بن ثامر وقدم القصيده لقوافي وسالم ماستمر صحفي وانا ما انكر على سالم شي بالعكس وبعدين سالم على نفس طريقة راشد من غلا وحب ..
وبعدها سجلني ابن عيينان في النداوي كذلك من غلا وحب .. ونزلت قصيده وهي نفسها اللي نزلت في قوافي وفي نفس الاسبوع اتصل لي حمد بن فطيس وشاركت في البرنامج اثير القصايد طبعا عن طريق النداوي اتصال حمد .. وبعده مجلة قوافي سووا امسيه وشاركت وبعده باسبوع لقاء في صوت الخليج عن طريق قوافي ايضا او حمد الزكيبا بالذات وشاركت ومشت الامور كذا بدون والله لا تخطيط ولا يحزنون كل الجماعه هذولا ما زلت معهم ولا انكر احد منهم واشكرهم جميعا لكن انك تزعل اذا نشرت عند غيرك او شاركت في مكان غير مكانك معناه اني استنركت لك ؟؟ او تجاهلتك ؟؟

عموما ثق اني اقدر الجميع واحب الجميع ولا فيه الا الغلا المتبادل للابد يا مسفر انت لاهنت فديتك وشكر لك على تواجدك المثمر

@mubarak_abdulla

Mubarak.alkhalifa@hotmail.com