يامؤمن الريفـي )انـا جيتـك زبـون
جيتك على مدح اكثـر النـاس وعنيـت
جيـت وتعالـى الله عمّـا يشـركـون
لـولاه (يامؤمـن) لطبـك مـا اهتديـت
راضي بحكم الله علـي مهمـا يكـون
عالج عيونـي لـو بعـد طبـك عميـت
ودي اخاشر فالبصـر مـن يبصـرون
واشوف دربي لا سرحـت ولا ضويـت
والى قنصت اثبت مـع اللـي يثبتـون
واشوف طيري كل ما اوميـت ودعيـت
ياااكثر ما يضرب خويـي (الطابلـون)
من كثـر مـا اكلّتـه مطبـاات وكليـت
وودي اشوف اللـي علـي يعرضـون
وبعض الليالـي ودي اسـري دون ليـت
وااشوف نـاس ٍ فالقفـا مـا يرحمـون
امـا وقفـت لصاحـبـي والا مشـيـت
مـن دون نظـاره ولا هـم يحزنـون
يااا كثر ما كسّـرت كشمـات وشريـت
لكنٌ يـا دكتـور جعلـك مـا تهـون
ابغيك كلمـت راس دامـك مـا بديـت
اسمع......ولا ابغي اللي وزانك يسمعون
ربي كتب يكشف لك اسـراري وجيـت
صورة عديل الروح عنـدك فالعيـون
واخاف تقطعهـا بموسـك مـا وعيـت
ولا عليك امر..اطوها تحـت الجفـون
وعقبه لـو تقطـع عيونـي مـا شكيـت
هي راس مالي والعرب مـا يدركـون
اني على بـاب الممـات و مـا حكيـت
ياقـو قلبـي يـوم قفـن الضـعـون
اللـي علـى ذاك المـوادع مـا بكيـت
ويا صبر صبري والعـواذل يحسبـون
انـي دلهـت مـن الهـوى والا سليـت
اسكت عساهم مـن سكاتـي يسكتـون
وانا عن اللي في ضميـري مـا انتهيـت
وادور الفرحـه مـع اللـي يسهـرون
وان ذكرونـي خـذت فنجـال وسريـت
اخذت من وقتـك يـا دكتـور العيـون
عالج عيونـي لـو بعـد طبـك عميـت
واستر علي واللـي معـك لا يفطنـون
انت الوحيـد اللـي بعـد ربـي دريـت
محمد بن حمد
مرحبااااااااااااااااا ومسهلااااااااااااااااااا
توااااجدك هنا مكسب للكثير يابو حمد0
صح السااااااااااااااااانك
ولااااهنت0
مغليك
تركي هاجد0
|