[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الهاجري يثبت كلامه ليا قال=
ولا فخر في عد كثر القصايد
والشعر له زبده ويسمج ليا طال=
وجزل المعاني فيه منها فوايد
لا صار ما للشعر ناقد و فتال=
ما ينفعك لو تنشره في الجرايد
انا شهد أنه لف بالبشت رجال=
أكبر فقيده من كبار الفقايد
لعل.له في جنة الخلد منزال=
حل القدر ما عاد منها صدايد
هذا فهد لاعد تاريخ الابطال=
سجل له التاريخ بالمجد رايد
رايد وقايد للمهمات حلال=
وليثٍ ليا جات السنين الشدايد
فرز الوغى حلحيل ماهوب ينحال=
وحن مومنين وراح ماهوب عايد
وطويق راسي في محله ولازال=
والغرب يرزح في محله محايد
موتة بطل والملك بيدين الابطال=
لاراح قايد يمتطي الملك قايد
اخوان نوره قصروا شبر من عال=
بالسيف جتهم مالقوها برايد
شرسين في حال وفي حال عقال=
ومن ماضي التاريخ معهم شهايد
اسلوبهم معروف نبهين وثقال=
هاذي قديمات وهاذي جدايد
يعيش ابو متعب عن الحق ما مال=
بالعدل والانصاف والامن سايد
غيثٍ ليا انشا ينثر المزن همال=
ذاع التواضع والعفو و الزوايد
اصوك ويجزع من عقاله ليا مال=
واقطع من الفولاذ ماله شرايد
ولي عهده بالوفاء ماله أمثال=
سلطان أبوخالد وسيع البنايد
حجا خويه لاحداه أشهب اللال=
لاقيل يا سلطان يا بالعوايد
جعله أفداه أمجمعة روس الاموال=
يفدونه اللي يجمعون الرصايد
سورٍ على شعبه من الحيف وظلال=
وستر العذارا لا رمن بالصمايد
ما دوّن التاريخ تقراه الاجيال=
فوق السحاب يحوم ماله ندايد
لو للكرم في وقتنا اليوم فنجال=
شربه ويشهد له قريبٍ ونايد
من عادتي لاني بجامل ولا اسال=
ولا يجيك شيٍ كون ما الرب رايد
وانا على ما اقول يشهد لي رجال=
شبره على شبار المطاليق زايد
كلمة وفا مني لذربين الافعال=
بسم الهواجر وقحطان وعبايد
بسم الهواجر وقحطان وعبايد
بسم الهواجر وقحطان وعبايد
بسم الهواجر وقحطان وعبايد
بسم الهواجر وقحطان وعبايد
بسم الهواجر وقحطان وعبايد
بسم الهواجر وقحطان وعبايد[/poem]
كفو كفو يابوحمد
لاهنت يابوعبدالله
وصح الله السانك والسانه
والله يرحم فقيد الامه
.
|