فــي بيرقـك يـامـا هزمـت الريـاجيـل *** وفـي بيرقـك تمـثال بــوذا رجمتــه

أبـيـك ذخــرن فـي اللـيال المـقابيــل *** ألـي أكثرت صكات بقعـا زهمتــــه

تقصـر حبـال النـذل لــو جـاك بيعيــل *** ولو اعترض في صف صفك دحمتــه

راع الجـميل نحـط لــه بـن مــع هيـــل *** وراع النفاق اليا انكشف لي كتمتـه

لـك منزلـن فـي داخـل القلب لو شيــل *** تدخل جموعن قربها ماحلمتـــــــــه

خـوة نقـــا مــا داخلتهــا الـدواخيـــل *** والأجنبي لامن حشمته حشمتـــــــه

أطـــرب لقـيفـانـك ولـيـل الـتعــاليــل *** يسري معك والقاف لامن عزمتـــــه

فـي روضة الشعار تـدرج كما السيـل *** والقاف يسجد لك ليامن نظمتـــــــه

وأنـا علـى خبـرك وسيـع الـمداهيــل *** وياخذني الهوجاس لا لا رحمتـــــــه

وأشفق على شوف الرجال المشاكيل *** وأحكم بعقلي يوم لامن حكمـتـــــه

تطغي علـى الاحساس بـعض التحـاليل*** وأعن للنسيان لامن حسمتـــــــــــه

مـــرن تصـيب ولــو كـمــا رميـة الليــل *** ومرن تصيح أحيه ياني ظلمتــــــه

وراع الــهروج منــقل الــهــرج تنقيــل *** اللي وجوده بيننا ماهضمتـــــــــه

ودك علــى علــباه تــقرأ التـــراتــيـل *** وتسرحه يكفيه ماقد خدمــتــــــــه

نبــقى علــى ليل الــشتاء والمــعاميل *** إلا أختلط مره وحلوة طعمتــــــــه



........ وسلامة الغالين

مانيب أخوك اصغر ضنا أبوك وأمك *** رجل على ماطالني منك ابعطيك. (العطاوي)