منتديات المرقاب الأدبية - عرض مشاركة واحدة

05-10-2005, 11:30 PM

السلام عليكم .

مشاركه متواضعه لـ التواصل ،

.
(( المكرمات ! ))
.
يالله ثبتني علـى دينـك واغثنـي بالثبـات
في حزةٍ تعرض علي اعمالي اللـي فايتـه
واغفر ذنوبي كانها اثقل من جبـال السـراة
وسكني الجنه واحطنـي بالنعيـم وغايتـه
مدام انا عبدك ولد عبـدك ومخلـوقٍ لـذات
تسبيحك وحمدك واقامـت فرضـك وادايتـه
فأنا بخير وسنتي سنـت محمـد والصـلاة
عليه ابا القاسم عدد ما ابرق وجت دنّايتـه
واللي بعدها ياهوجسٍ بين ود وبيـن هـات
تمر حبل الفكر صبح وليـل مثـل الهايتـه
تعلقي بين الرجاء والياس واوجيه الـروات
وتسندي تسنـد الشايـب علـى عصايتـه
ياللي تنادوني على قدح القلـم فالمكتبـات
راس القلم خشمه معلق في بطـن برايتـه
تعبت شوف الذل في عين الحروف المكرمات
وطعون من ولوّه فيهـا واقصـرت ولايتـه
ناسٍ تغث الكبـد لا فكـره ولاش اميـزات
بلوى من الله ،اسئل الله من فضـل هدايتـه
لابدما اصبر يالين ايلـوح بـرق المغريـات
وان لاح بارقها على بطن القلـم مشايتـه
باطا على الحيّات لو السـم سكيـن الحيـاة
نفسي تحت رحمة ميسر رزقهـا وحمايتـه
تخالف الانظار والكاتب حصد زرع القـرات
وكلٍ معه عقلـه ويقـراء كيفمـا قرايتـه
لكنّ خلوني كذا هاوي ومن ظمـن الهـوات
وش لي بطعم العيشه فـي صحنهـا بايتـه
.
وسلامتـكـم

مناحي