العمر ينقص وأوله غيـر تاليّـه
وانا الهموم اللـي بقلبـي بديـده
خلوني اكتب مـا بدالـي وأغنيّـه
اسوق طاروقـي واتمـه قصيـده
وابدى علي المرقاب ساعة واعديّه
ماعاد باقـي فالطـواري شريـده
مذهب وادّور غايتي في عواليّـه
والذاهبه ماغيـر فرصـة سعيـده
عليك ياللي في عيونـي مواريّـه
ابطا عن اعيونـي وداره بعيـده
اللي من البارحه وانا في حراويّـه
فرقاه هـم .. الآ فراقـه مكيـده
طيفه مخاوينـي وقلبـي مخاويّـه
هـذا قديمـه فالفـؤاد وجـديـده
يذرع ويشبر في فـؤادي مفاليّـه
ويدق شريانـي ويضـرم وريـده
ابيع عذبـات الغناديـر واشريّـه
يبقي رصيدٍ لي وانا ابقي رصيـده
يهمني واهتم لـه يـوم اراعيّـه
مشاعري من حضرتـه مستفيـده
لكن حداني ظرف والوقت حاديّـه
والله يمضـي فالبشـر مايريـده
مايلحقـه منـي مـلام ومشاريّـه
لو شّبت الفرقا بجسمـي وقيـده
اقفت ضعون اللي ليا قـال لبيّـه
كنه يصـب الشـوق والآ يزيـده
خلالي الطاري عسـا الله يحييّـه
وزهدت عقبـه فالحيـاه الزهيـده
جعل السحاب اللي ترازم مناشيّـه
تسقـي هماليلـه ديـاره وبيـده
اللي مسميّه الحـلا قبـل أسميّـه
هذه قصيدة شوق في يـوم عيـده
ياااجرّ قلبي كـل ماحّـل طاريّـه
انشهد إني فاقـدٍ لـي .. فقيـده
سعد براك
|