خالد الحصيّن

ملك العذوبه والرومانسيه
المبدع / مطلق بن شويه
رايي قد سمعته من الراس للراس
والاعجاب ما يخفاك

اذاً .. بعد اذنك نسخه لارشيفي الخاص


[frame="5 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصدر روض أشواق والشعر نسناس=ميـّـل عناقيــــده وفــــوّح عبيره

ترايعت معه الحنايا والأنفاس=وتعطرت من سيرته كل سيره

والشاعر اللي مرهف شعور وإحساس=أدنـا مايلمـس خاطـره يستـثـيره !!

حبيبتي إخذي علومي من الراس=بيض النوايا من بياض السريره

لاتضربين الظن بأخماس وأسداس=وتفيـض روحـك بين شـرّه وخيره

ترخين سمعك .. والمقاريد الانجاس=من خـلقـت الدنيا على ذا الوتيـره

يبغون وجهاتك تقلّب وتنحاس=ماهوب حبٍ فيك والا بريره

ناسٍ تدوّر رزقها من ورا ناس=وتصوّر الواقع بتصوير غيره

اقرب مثل يضرب عليهم وينقاس=اللي يقـول لكـل ساير مسيـره

وظيفة العساس فالناس عساس=يجيب علم السيل من كل ديره

خلّي ظنونك ياكبيره على ساس=تبقيـن في عين الكبير الكبيره

تفائلي مابه حياةٍ مع الياس=خير الحياه العافيه والستيره

بشاعة الدنيا ورا حسن الأوناس=خــدامـةٍ تلبـس لها ثوب أميـره

أغلى من الياقوت واللول والماس=كرامـةٍ تغـنـي النـفوس الفـقيـره

تعوّذي من كل نزغه و وسواس=وتطمني يا الجافـل المستـذيره

قلبٍ سقته كفوفك الحب في كاس=تبـقيـن فيه الأولـه والأخيـره

أنتي قرينة كل فكره وهوجاس=وأنتي وليفة كل نبض وخشيره

الوصل غيمه والمعاليق يباس=قدام تدركـنـا العمار القصيـره

ما أحر من عرض الشكاوي على الناس=الا الجـفا بيـن العشيـر وعشيـره

مسكت يدك وأخذت علومك من الراس=فيـها لخــرمان الغــرام إتعميــره[/poem][/frame]

khalid@mergab.com