اخواني واخواتي الإعزاء

السلام عليكم ورحمة الله وبركاته

مصافحتي الأولى لكم فلا تبخلوا بآراءكم فمنكم نستفيد
وما وضعتها عندكم الا لآخذ من نصائحكم نبراسا ينير طريق

بكل الحب

[poet font="Tahoma,5,darkred,normal,normal" bkcolor="transparent" bkimage="backgrounds/7.gif" border="none,4,gray" type=3 line=200% align=center use=ex length=0 char="" num="0,black" filter=""]
معجبه جتني تقول الشعر عددلي بحوره
دامك انت الشاعر اللي عارفٍ نظم القصايد=

قلت يابنت السوالف ماضيات ومخبوره
اكتب الأشعار نوب ونوبٍ انظر بالعقايد=

مولّع عد السنين وعايش الدنيا بدوره
ولا تعلمت القوافي بالمدارس والشهايد=

والسؤال اللي تبينه له عباره ومحصوره
أعذبه واجمل حروفه بين كل الناس سايد=

فيه بحرٍ مثل زولك لاتمخطرتي فخوره
الطويل لياتمايل صعب يلقاله سنايد=

وكاملٍ كنّه جمالك والقمر بالضبط صوره
لا تحليتك كتبته ماطلع ناقص وزايد=

وفيه من ينسب مثل حبٍ بقلبي به خطوره
مثل نقشٍ بالصخر ماهو مع الايام بايد=

والهلالي لو نسيته ذكرن به من جذوره
الحجاج وضامر السرجوف من تحت القلايد=

وسامريّه تجذب القلب الحنون وتفقد العاقل شعوره
لاتهنفتي طرتلي وان حكيتي بالوعايد=

والهجيني فيه من غمزة عيونك يالغيوره
يوم اشوفك من بعيد ووقفتي فيها نقايد=

وعرضةٍ والسيف يلمع ذكرن هافي خصوره
لو تطبين المحافل صارت العالم وسايد=

والجديل لياسحبته واكتسى زاهي غروره
يشبه المسحوب والقوس انثناله بالشدايد=

وانتي الشعر الحقيقي لاكتبتك في سطوره
زانت ابيات القصايد واصبحت كله جدايد=

وانتي اللي لو لمحتك زاد قلبي في سروره
وانتي الحب الطبيعي والغلا واحلى الفوايد=

لك كتبت الدرس الاول والبراهين مخبوره
ولك حروف الشعر كله يابعد روح القصايد =

[/poet]

تحياتي واشواقي للجميع

اخوكم / عبدالرحمن الغيثي

(( الجوارح ))