والعـز قـوت محرميـن اللقافـه
والذل جود الخبل من قلـة الفيـد
والعدل ميـزان العقـل واحترافـه
والظلـم معـدال الـردى للمناقيـد
والطيب ظـلٍ يسْتـراح بـمنافـه
والحَرّ والشـرْ والقشـرْ للتناكيـد
واللي خطامه رابطـه فـي خلافـه
ماينحزم عند الصناديـد لـه قيـد
وفرش النذل لو شيل حقده لحافـه
يخفيه لو قدر الغدر عنـده يزيـد
ولو خطوتي ساقت علـي التوافـه
تدوسها رجلي وانا اطارد الصيـد
والحق سيفْ ولمعته في انتصافـه
وانا على الحق اعتقد قابض الايـد
الواجب اللي تبسطـه فـالضيافـه
إن ماقنع به زيد يرضى به عبيـد
هذا صدى صوتي وبعض اعترافه
يومي على سوق القدم قاطع البيـد
والدّ مـن بعـد النظـر للمسافـه
واقرّب لعيني فـرح جيّـت العيـد
محمد السواط
يالها من قصيده حوة القوه والجزاله والسلاسه والحكمه والاعتزاز بالنفس وبالشاعريه الفذه
لافض فاك شاعر كبير يامحمد ولك مستقبل باهر باذن الله مادام انك قدرت تسبك وتسطر هذه الكلمات الجميله لاخوف عليك مع اني لم اكن اعرفك لكن ثق ثقه تامه اني ما رايح اترك لك شاذه ولا لاذه الا واتابعها عن كثب
سهيرالليل
|