عناد النفيعي

الليالـي تقافـا والكـواكـب تــدور
والمحبـه عـلـيّ تـحـد سكينـهـا
هي قديم الشعور وهي جديد الحضـور
وين ما اهج عنها طحت فـي يدينهـا
آه والحـب غيمـه والامانـي بـذور
والقلـوب الرحيمـه ارض تكوينـهـا
يا صباحٍ تعـدت فـي هـواه الطيـور
مرحبـا عـد مـا يصـدم جناحينهـا
جابك الله وجيتي يا اكسجيـن الشعـور
ميـر روحـي خذيـهـا لا تردينـهـا
سكنيها بصدرك يـا حـرّاق الصـدور
كـان مـا سلتـك يكفـي تسلينـهـا
وش لها بالمناصب والفلـل والقصـور
حاجـةٍ دون وصلـك دينـي ودينهـا
يكفي اني اعيش الليـل والقـاك نـور
وان روحـي تضمـك يـوم تدنينـهـا
مثل ما شال عشب الارض صدره زهور
المحـبـه دخـيـل الله تشيليـنـهـا
تحت عقد الجواهر تحت فوح العطـور
تحـت ازره علـى السكـر تزرينهـا
عن عيون الحسود وعن شعور الغرور
واحـذري لا تبيـن فـيـك ثنتينـهـا
دام زولـك يورالـي مابيـن السطـور
القصيده عليها (( ختـم يـا زينهـا ))
مالحقني قصور ومـا لحقهـا قصـور
وانتـي اللـي وقفتـي بينـي وبينهـا
وقفت العيد الاول بعـد تسعـة شهـور
بعـد صلـوا صلاتـه مـع مصلينهـا
والمعايد صبـاح العيـد ذروة سـرور
وكـم قلـوبٍ وفهـا فـي شراينـهـا
والوفاء مرحله فالكون صعبـة مـرور
مــا ازكـيـك لكـنـك تخطينـهـا
في جميع الامور ولـو بعـض الامـور
صــدق تنسينـهـا والا تناسينـهـا
الاكيـد ان عينـك تستبيـح محظـور
عينـك اللـي تصوبنـي نياشينـهـا
مير روفي بحالـي يالجفـول النفـور
غـطـي العـيـن والا لا تلديـنـهـا
لان عينك تخطى كـل حاجـز وسـور
وانهـا تستثيـر شـعـور غالينـهـا
والمشاعر بلاها يا اكسجيـن الشعـور
المحـبـه وطاريـهـا وسكينـهـا !


اعجابي
اعجابي
اعجابي
اعجابي

بالخط العريض .. ياشاعر الاحاسيس .. وشاغل القلوب ..

سلامي عليكـ ..

.




ss15s1@hotmail.com