منتديات المرقاب الأدبية - عرض مشاركة واحدة

30-11-2005, 04:08 PM

ههههههههههههههههههههههههههههه

يهيييييييييييييييييييييييب ياعبدالرحمن

مجرم مواضيع صدز

* - بمـاذا ستفكـر في هـذة اللحـظة ..؟؟

ماعاد يمديني افكّر

وألاّ تدري نص الاجابات يبا يغلب علاها الطابع الإيمانــي ،

< -- جاك سعيد بن المسيّب

تدري ابا اجاوبك بالبيت اللي يقول :
ماعاد افكّر فالهنـوف أم الذهب وأم الحرير ... عفت الحياة ولـذة الدنيا وحبٍّ يرتجـى
انصب تفكيري على يوم القيامه وش يصيـر ... يوم أن لاظلٍ سوى ظلّك يظل ولا حجا

:

- واحـد سبـق وغلـطت عليـة جـاي يقـول لك : تسـتاهل ..
بمـاذا سترد عليـة ..؟؟

سامحني ياخوك الظاهر أنها ذنوبك احتالت فيّ

:

- هل تتـوقع أنـك بتنـزل ســالم ..؟؟

العلم عند الله ، وأنا أقول لك أن تسانها ما أنحتّت فالسلامه متوقعه !

وهاذي لها شاهد يابوحمد ، وهي قصه مشهوره عندكم فالرياض ..
يقولون عمّال يبنون عماره اربع ادوار مدري خمسه ، المهم وهم في آخر دور ، قدّر الله على واحد وزهقت رجله عن حفة الجدر وخبط لينّه فالحزم ، وليا والله انه شديد عديد مافيه غار العافيه ، ومن الفرحه فكّ عمره لدكانٍ مناحرٍ لهم مقطاع الشارع ، الرجال قطع السيد الموالي وتناوش الأقصى وهوه على سرعته ، وتجيك هاك السياره المشوّته وترقعه وليا أنه فالعميم الطميم ، ميّتٍ قوام ,,

سبحان الله والفارق بينها وقت قليل لايصل إلى الدقيقه او الدقيقتين ,!!

اي بالله وعاد اقول لك ان تسان الله قاسمٍ لي حياه فأنا ماجايني غار العافيه لو طحت فبير والا غدير

:

- من هـو الشخـص اللي بيطـري عليـك ..؟؟

ماطارٍ عليّ الزول مره مره ..

:

- لـو معـك كاس موية .. ماذا ستفعـل بـة ..؟؟

بس شف ترى الكاس مخليه أنت مبهم ماقلت اله عروه وألا ازمع ، يعني بدون عروه ،
حدّد ، وأعلمّك

ابك تقهوووو فديت والله فرّتك الشّينه ،، شوي شوي لا اتكسّر مواعينّـا

:

- وسـائل الأعـلام تصـورك من تحـت ..هـل سيعجبك هالأهتمـام ..؟؟

ياولد في هاك الساعه الله لايجيبها ، مايعجبني فالدنيا ولاشي ،
<-- مار مايدري عن وسايل الاعلام

:

واحــد من أصـدقـائك جـاي يبشرك بفـوز فـريقك المفضـل ..

برضه لاكلمه ولاعلمه :rolleyes:

- أخـوك الصغـير جـاي يقـول : عطنـي مفتـاح السيارة ..
بمـاذا سترد عليـة ..؟؟

اسفهه

من الشخـص الـذي تتمنـى أن يكـون مكـانك هنـا ..؟؟

حسين الدوسري

أقول : هـش هـش هـش هـش هـش هـش هـش هـش هـش

ما أثمـن شي ممكن تتنـازل عنـة من أجـل أن تنزل سـالم ..؟؟

ان تسان ماراحت رقبتي خاط

تنازلت عن شهادة سادس

يا خوي لالا،لااا انت ماتفهم؟قلت لك : لا وبدا ..!!

- خــبراء الأرصـاد يقـولون : جـاي مطـر وعـواصف ..
أنت وش تقـول ..؟؟

مار ماهم موحيني ،
وانا أبا اقول في خاطري : يالله حوالانا ولاهب علانا

:

:

(m-