بسم الله الرحمن الرحيم
قصيدة مسندة من الشاعر .. سحمان بن ملحم السبيعي للشاعر حميد الذيابي والمردود عليها
ومجاراة كل من الشعراء
عبد الله بن نايف بن عون
وغازى بن دخيل الله بن عون
ودسمان بن مناحى السبيعى

وهى من جدايد هذه الصيفيه الماضيه


خصيصا للمرقاب وبطلب أخى الغالى .. سلطان الاسيمر

قصيدة الشاعر/ سحمان بن ملحم العزه السبيعي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حـميد يـا جـو ٍعـلـى ســيـف جـده =خـص ٍ لـيـا نـاشه من الغرب نسناس
الـمـوج لـولا أن الحــواجـز تــرده=مـا يـنـتـهي حـتـى يـسـلم على الناس
يـقـفـي ويـقـبل بـيـن جـزره ومـده=ويـرمـي عـلـيهم مثل حبات الألماس
يــرتــاح بــه مــن لـه رفــيـق يوده=أيـبـادلـه صـدق المشاعر والإحساس
حــيـدٍ يـذري مــن تـــذرا بـسـده=قـولـه وفــعـلـه كــلـهـا تـرفع الرأس
يا قف معه لمن أشهب الوقت ضده=وقـبـل الـجـفـاف يـناوله بارد الكأس
ويــقـضـي لـزومـه قـبـل كـفه يمده=ويـعـفـيه مـما يـعـمس الخّير اعماس [/poem]

رد الشاعر / حميد الذيابي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حــي البـيـوت الـلـي لـفـت مستجده=من واحدٍ شاقه على السيف مجلاس
بـعـض الـذي شــافـة عـيونـه يـعده=وصفه لما شاهد كما وصف عساس
قـاف ٍ بـدأ بـسـمي فـمـبـدى مـشـده=وكـمل وجـمل طيـب الـذكر والساس
لـعـل حـدات الـدهـر مــا تـحـده=ولـو حـدته يلقى على وصفه أجناس
خـطو ابلج ٍ طيبه على طيب جده =قـد سـجـلوا فـعـله على قب الأفراس
وقـت الــرخـا كـــلٍ يــسد بمسده=لـكـن فـالـشـده يـنـومـسـك نـومـاس
مـا فـيه عـن ماجوب الإخيار صده=تـدعـيـه دعــوت والـد ادباس لدباس
حــرٍ يـهـدن الـطــيــور بــمـهـده=في مطرده يلقى العشا عقب الافلاس[/poem]

مجاراة من الشاعر / عبد الله بن نايف بن عون

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لـي خـمـسـة أشهـر والقريحة محده=مـا دار فـي بـالـي للأشـعار هوجاس
والـيـوم لـجـلـي كـنـهـا مـسـتـعـده=علــى مجارى درة ٍ مـالـهـا أجـناس
يـا مـسـوي الـفـنـجـال صـبـه وعده=لـلـي مـعـاريـفـه جــدايــد و دراس
وعـن كـف مـشـهود الوفا لا تصده=يـسـتـاهـلـه راس ٍ لـلأمـجـاد نـبراس
يا شــوق رعـبـوب ٍ جـديـلـه يـكـده =كـنـه شـلـيـل عـبـيـة ٍ عـقب مرواس
مـا فـالـحيـاة ألا الــوفـا و الــمـوده=ومـعـاشـر الـطيب وتجنيب الأنجاس
الـطـيـب مـالـه عـنـك يـا شيخ صده=يـاطـيـب ٍ مـجدك وطيبك على ساس[/poem]


هذه المجاراة من الشاعر / غازي بن دخيل الله بن عون

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من عام الأول والمشــاعر مصده=دون الرجاء فالشـعر يحتدها اليأس
ولا هي بعن دين الشعــر مسترده=لـكـن يـا سـحـمـان من قـل الأوناس
من عقب شـعـر الـعـالم المستجده=اللي حنوا رأسه مثل حنـي الأقواس
إنـتـاجهــم مــا يـنـحـصي لو نعده=وثلاثة أربـاعه حـبـر فـوق قرطاس
وأنـا انـتـبـاهي نــادر الــلـي يشده=بعد الذهب عوض بقصدير ونحاس
غـيـر الـطفوح اللي تشوق الموده=عزل العقيد أم الجـنـايب والأجراس
مـنـها المشاعر شوقها وصل حده=وتبجحت بالربح مـن عقب الإفلاس
والـبـحـر طــرفـه يــوم يـمك يلده=بـعـد صدفـلـك فوق شاطيه مجلاس
ويـوم أن مــوجه قام يقرب لا بده=يـقـول يـا بـحـر الندى جعل ما بأس
بـيـنـك وبـيـنـه يـا أبـو خالد موده=مـودة ٍ فـيـهـا مـــعــزه ونـــومــاس
بـالاسـم قــدك وأنـت بـالـفـعل قده = وأنـتـه وهــو محد ٍ على ظلكم داس
ويــش الـقــرابـة بـين جدك وجده=حـتـى بـقـيـتـوا مـثـل مـره وجساس[/poem]

هذه المجاراة من الشاعر / دسمان بن مناحى السبيعي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يحرم على راسي ليان المخده=لين أضرب الغبه ورا كل غطاس
ما دام فى الطاروق ضمه وشده=نقطف نوامى زمته قطف بسباس
يا هاجسي دور فريده وبده=وإشرب قراحه قبل صافيه ينحاس
جنب عن اللى ما تبيه وتعده=قدام لا تصبح مثل طابخ الفاس
عانق شهاليل البرد من مهده=كما يعانق شم الاقذال قرناس
من صافح رموز المكارم بيده=ما راوده من طيف الاوهام وسواس
ذيب الحجاز وذيب قارة مصده=جتهم ذياب الهضبه اللى لها أرواس
وتجاوبوا فى سهلةٍ مجرهده=وأنا ضربت أرباع وأخماس وأسداس
وجيت أطمر الجرفان والقاف أفده=عطشان لمجارا بعيدين الارماس
اللى مراكيهم كبار الاشده=وأشبارهم من دفه المجد تقتاس
عيال روسٍ توصل العلم حده=وأحفاد روسٍ تلبس الجوخ والطاس
أخذوا زمام الشعر ورده ونده=واللى بقا شيحٍ علاويه يباس[/poem]

الشهره اللي ساسهـا متخـرث
ما ترضي العاقل ولا أهل الذوقي

أضرب على الاعلام صفر مكعب
دامه يعـز الهـزل والمطفوقـي

ولاعاد تستغرب بوسط الساحـه
لو لمعـوا برويـده المحروقـي


::

khh511@hotmail.com
أقلط لقصائد ملغمه