|
نزف الحرووف!!
[align=center]مع اجمل تحية للجميع
امل ان تسمحوا لي بطرح نزف جديد لحروفي بينكم
اتمنى ان ترتقي لمستوى ذائقتكم[/align]
[poem=font="Simplified Arabic,6,silver,bold,normal" bkcolor="transparent" bkimage="backgrounds/37.gif" border="none,4,gray" type=2 line=0 align=center use=ex num="0,black"]
الكلمة اللي هدت القلب والعين=ياكبرها لاجات من غير داعي
الكلمة اللي كنها حد سيفين=جاني صداها والمشاعر جياعي
هدتني الكلمه وضاعت عناوين=واظلم علي الكون والعلم ضاعي
ان كنت (ما آداري)..اجل ليش باقين=قلي دخيلك وين سم الافاعي
قاومت ثم قاومت عامٍ وعامين=وكتبت حتى مل مني يراعي
كنت احسب اني مالك الهند والصين=واثر الوهم يعمي عيون السباعي
كنت احسب اني صرت من ناس غالين=واثر الغلا فالوقت عود يباعي
كنت احسب اني صرت دم الشرايين=واثر الحساب يضيع بين الطباعي
كنت احسب اني واثقٍ فالمضامين=واثر الثقه فالوقت تصبح خداعي
بانت حقيقه غايبه عني سنين=في لحظة يطلق عليها اندفاعي
الله على الايام تقسى ولا تلين=والله على الايام طوّت شراعي
وشكيت للادنين وايضا للاقصين=والكل منهم قال جدك نفاعي
الناس فالدنيا أُلُوف وملايين=عن التعب دور دروبٍ وساعي
واحترت في دنياي ياربي تعين=بين الوفا والصدق طايف وساعي
اصبحت وحدي عايشٍ بين نارين=نار الهجوم ونار حيلة دفاعي
ولو قلت مهما قلت ماني بقلبين=ولاني من اللي عايشٍ بالخداعي
انا الوفا لك بين كل المحبين=وانا على شانك بموت بصراعي
ما دام مالي قدر عندك وتثمين=اسمح لي امشي فوق عظم الذراعي
خلاص قلبي مات لاعاد ترجين=كلمتك منها اهتز حتى نخاعي[/poem]
[align=center]اخوكم
الشامخ[/align]
^^فارسٍ فالمعـارك مثل حرب البسوس^^
^^وفارس طـاحت خيـوله على نوقها^^
^^الفكــر مثل بستانٍ عـذي الغروس^^
^^والزمـن مثل شجـره ماتت عروقها^^
الشــ^^ــامخ
|