خالد الذيابى

مشعان البراق



هلا عداد المطر



هلا والله بالغالى
يابعد راسي والله ان شهادتك وكلامك انها شهادة فخريه لااخيك



لاهنت يابعدى



والان نعود لااسئلتك




_ هناك منتدى للشعراء في الطايف .. اين هو من خريطة الاعلام ؟؟
ما فيه منتدى للشعراء بالطائف ابد ؟
فيه جمعيه الثقافه والفنون فقط
وعليها الدكتور عالى القرشي
وجاحدين شي اسمه شعر شعبي
يجمعون كم واحد من حقين الفصيح ودربكوا شويه وطلعوا
ولا يحظر لهم الا الطلاب اللى يدرسون عند الدكتور عالى وبالقوة بعد

حاول سعود المهندس بدعم من بعض الاشخاص تكوين منتدى ولكن كانوا شباب بلا دعم قوى وحوربوا ولم يستمروا


يعنى الخلاصه الشعر الشعبي عندنا بالطائف مجحود !!!!!!!!!


اما تغطيت الاعلام للجمعيه فهم يغطون ولكن كما ذكرت لايحظر الا الطلاب وبالقوة
وكلهم تجارب للفصيح مدرى وش قايله مالها طعم



_ اين انت من امسيـات الطائف الرسميه .. ؟؟
والله يا مشعان مفروض هالسوال يوجه للمنظمين مو لى انا
ولكن يابو محارب انت يمكن تبخص الامسيات اغلبها يحتاج واسطه
وكلم فلان وعلان
علما ان المنظمين اخوان اعزاء لى ويعلم الله اننى لم يسبق لى ان كلمت احدهم فيها ولو ابى الامسيات بواسطه كان يمدينى طلعت بها
وسبق ان كلمنى شاعر اخو لى وقال انا بحطك بالامسيات حقت الطائف ؟
وقلت كيف تحطنى ... قال بكلمك لك المختصين ........ قلت مشكور
ان كان امسيات الطائف تبي تجينى بواسطه ما ابيها نهائيا
اما احظر وانا الجمهور طالبنى ويبينى والا ارتاح واريح


2 تواجدت في المجلات فتره .. ثم انقطعت .. لماذا ؟؟
والله يابو محارب الا بغيت تسكر مجله والا تدعى على طاقمها بالطلوع علمنى وخلنى اتعامل معهم
ياخوك بعض المجلات تحاول تتحكم فينى واطلع منها ما اواصل
وبعضهم اتلابش مع روساء تحريرها
والمجله اللى ارغب بها واتواصل بها اما تسكر او يطلع رئيس التحرير
والان عانى ريحت لاارسل ولا اروح لهم وانشغلت بمشاغلى ولكن من يدرى ربما يكون لى عودة من جديد

علما اننى اعتبر نفسي لم انشر
كم نشرت يعنى 30 او اربعين نص متقطع ؟
هذا مو نشر ابدا
النشر ان ما جاك بمجله قويه وكل شهر وانت تطلع قصيدة لين ترسخ بقلوب المتابعين والا ماهو نشر
النشر اللى بعد ثلاثه شهور قصيدة ما يخدم ابداااااااااااااااا



3 اين انت من الاصدرات الصووووتيه ؟؟ وجميعنا يعلم ان لك مايكفي اكثر من شريط ؟؟
سجلت خمس قصائد دينيه لاأحدى التسجيلات الصوتيه كتجربه جديده
لقيت الاناسه بالتعامل مع المشايخ الله يوفقهم
وعرضوا على عروض كلها طيبه
تصدق قالوا نبي نسجل لك شريط كامل قصائد غزل ونزبطه لك

الان سجلت القصائد الخمس وراح تنزل للسوق وابشوف كيف اوضاعها
وبعدها لكل حادث حديث
اما كملنا ونزلنا شريط والا قضبنا الارض لين يحلها ربك


4 متى تجي للشرقيه ..
متى ما الله اراد
وان بقينا على وجه البسيطه نبا نجى
وان جيت الشرقيه انت بأول القائمه يابعد راسي
لبا والله قلب الشرقيه


لاهنت يا بعد راسي
وتواجدك شرفنى واسئلتك نوماس لى
لاخلا ولا عدم


اخووك

الشهره اللي ساسهـا متخـرث
ما ترضي العاقل ولا أهل الذوقي

أضرب على الاعلام صفر مكعب
دامه يعـز الهـزل والمطفوقـي

ولاعاد تستغرب بوسط الساحـه
لو لمعـوا برويـده المحروقـي


::

khh511@hotmail.com
أقلط لقصائد ملغمه