خالد الحصيّن

ارحب ارحب ارحب يا ابو محمد
وجودك في هذا المتصفح وكلامك الكبير في حقي
اقسم بالله العلي العظيم انها تسوى عندي شيٍ واجد
خلاصة الكلام : الاحراج حصل لكن ما عليك زود وجعل عمرك طويل



س 1 : أبو فيصل أراك متذبذب الظهور فالصفحات الشعبيّه ! ماسرّ ذلك معنيّ أعلم إنّ علاقاتك الصحفيّه مع المعدين جيدّه .. ماسبب ذلك هلّ هو عدم الرغبه فالنشر أمّ ماذا ؟ معنّ جمهورك له حقّ عليك ولاتقولي المرقاب يكفيّ من غير قصور فيه .. لان لك جماهيريّه خارج النت ولهم عليك حقّ مثل مالجمهورك فالنت عليك حق ؟

والله يا ابو محمد اني اعتز بكل ما قلته .. والشهاده اذا جات منك ومن شرواك اعتبرها وسام ، اما بخصوص النشر وما ادراك ما النشر مثل ما قلت في بعض الاجابات السابقه على الاخوان بانه اخر اهتمامتي ولا فكّرت فيه حتى ولو ان الدعوى بالعلاقات كان يمكن تشوفني يوم من الايام انا وخشتي في غلاف احد المجلات


س2 : أراك مقلّ في نشر الجديد ... هلّ لوقفه ومحراف تأثير عليك أمّ ماذا ؟


نعم وقفه ومحراف لها الاثر الكبير في قلّة تواجدي . ولكن يا ابو محمد الشاعر الهاوي يوم تشوفه يكتب فاليوم 3 قصايد ويوم يمر الشهر ما قال بيت .. يعني متى ما دندن الهاجوس جيتك مدحدر


س3 : تعتبر من شعراء المحاوره المميزين ؟ لماذا لانراك في ميادين المحاوره خارج النت ؟


ما عليك زود .. والله ما طرى علي اني اجرب المحاوره في الميدان ولا ادري هل هو خوف والا قناعه ورحم الله امرء عرف قدر نفسه ‍‍!


س4 : تعتبر ضلع من أظلاع المرقاب ومهم جداّ ؟ ماذا قدمت للمرقاب وماذا قدم المرقاب لك


قدمت للمرقاب كل ما اقدر ان اقدمه ولازلت مقصّر في حقه ، اما وش قدم لي المرقاب فيكفي اني عرفتك وعرفت شرواك من خلاله .. علماً بان معرفتي بك مبطيه ولكن اقصد الميانه انها طاحت


هذا ماعندي الان ... والباقي لاحقاّ إن أستدعى الامر الى ذلك


الا وش خليت جعلني ما خلى منك


هذا وكل الشكر لك وثق انيّ سعيد جداّ لهذه المقابله وكل التوفيق يابو فيصل

وانا والله اسعد يا ابو محمد بكلامك ومرورك اللي يسجّل لي
بيض الله وجهك وجعل عمرك طويل

khalid@mergab.com