الموضوع: ( تحـت المجهـر ) 20
عرض مشاركة واحدة
قديم 11-12-2005, 04:25 PM   #14
خالد الحصيّن
(*(عضو)*)

الصورة الرمزية خالد الحصيّن
خالد الحصيّن غير متصل

بيانات اضافيه [ + ]
 رقم العضوية : 955
 تاريخ التسجيل :  Feb 2004
 أخر زيارة : 22-05-2023 (10:14 AM)
 المشاركات : 18,265 [ + ]
 الإقامة : في سيارتي
 زيارات الملف الشخصي : 41520
لوني المفضل : Black


ارحب ارحب يا غالب
ابطيت علي ياخوي .. احسب انك مت .. من الضحك



1/ ( وقفه مع النجوم ) انتهى مع انتهاء خالد الإدراي !!؟

والله هو ما انتهى .. لكن مشكلتنا فالنجوم .. حاولنا بقدر استطاعتنا انا والاخوه فالادراه السابقه ان ننسق مع كذا نجم .. ولكن ظروفهم حالت دون الموافقه التامه ! ولازلت على استعداد حتى وانا لست باداري ان اكمل هذه المهمه واي موضوع اكلّف به .. لان المرقابي مرقابي ادراي والا عضو !


2/ احيان تنزل قصائد وانت منت مقتنع فيها ! ليه تنزلها اصلا" ؟؟


والله الشكوى على الله ولكن من باب المشاركه ومن حقي كعضو اني اشارك واجود بالماجود .. ولكن للعلم انا ماني مقتنع فيها لاني من عرفت النت والمرقاب اضغط على ( موضوع جديد ) وابدا ببناء قصيدتي .. هذا فالغالب .. وان كان طرالي طاري وانا برا النت وغنيت .. رحت وشبكت وكملت غناي على الكيبورد .. الزبده اني لو اتركد على القصيده كان طلعت افضل بكثير .. ولكن ما اعرف والله !


3/ وقفه ومحراف اصبحت متنفس للجميع وليس لك وحدك .. لكننا نلاحظ احيانا ان بعض الابيات تتغير بسرعه
هل هذا يدل على عدم قناعتك ؟ اما ان مواكبه الاحداث هي من تتحكم في تغير الوقفه والمحراف ؟ وليش ما تكون بشكل منتظم وتحددها بوقت معين ؟ ام انك تعشق التلقائيه ؟!


شوف التلقائيه موهبه من الله يعطيها من خلقه من يشاء .. فالقصيد .. فالسوالف .. فالمزح .. حتى فالغضب ! وبالنسبه لتغيير وقفه ومحراف بسرعه .. (وبعض المرات تقعد اسبوع) فهي حسب الظروف اللي تدور حولي وحول الناس ! .. وبعدين ما يروح شي يا غالب لان موضوع ( تواقيع الاعضاء ) للاخت سراب حفظ حقوق تواقيع الاعضاء ومنهم انا


4/ انا اشهد لك انك من الشعراء اللي ينقدون ويبدون رايهم بصراحه وعندي قصيدتين لي نقدتهن انت في بعض الابيات وانا والله اني مقتنع من كلامك ونقدك ووافقتك عليهن وهذا دليل على صراحتك اللي تحسب لك <--- ها اجحدها
السؤال : هل اسلوبك هذا تتخذه مع الكل ام مع الناس اللي تمون عليهم ؟! وهل سبق وان كلفتك صراحتك ثمن ؟

سؤال جميل ومهم في نفس الوقت .. شوف يا غالب هناك نوعين من الشعراء : شاعر امون عليه وابدي عليه ملاحظاتي ويبدي علي ملاحظاته وبدون تحفظ !
وشاعر يطلب رأيي في قصيدته فان وجدت ملاحظات علمته فيها .. طيب .. وان كانه وافقني وتقبل نقدي بصدرٍ رحب كان بها .. وان مشى على ممشاه وعرّض رايي الهوا .. ففي الحاله هذي انه اذا جاني مره من المرات وقال وشرايك بقصيدتي بقووله : ياسلام وانت ما مثلك احد يا مبدع ويا جزل !


5/ قلت انك شاعر محاوره اكثر من انك شاعر نظم ! وانت ما بعد لعبت اي محاوره ميدانيه ! كيف توفق بين كلامك ؟!

انا اتكلم من منظور الهوايه والاحتراف .. فقلت انا شاعر هاوي هاوي هاوي ولكن ميولي قلطويّه


6/ بعض الابيات في وقفه ومحراف حرام انها تروح هدر هل فكرت في يوم من الايام تكملة بعض الابيات المتعوب عليها ؟ وتصبح في يوم من الايام قصيده كامله متكامله ؟


والله فيها بعض الابيات كملتها وصارت قصايد فيها من وافقت موضوع براسي والا وافقت حدث قدام عيني .. ولكن وبصراحه ما نزّلتها وانا ناوي بتكملتها !



وسلامة قلبك
وللمعلوميه : والله اني احبك


الله يسلمك من كل شر
بس ما تحبني كثر ما احبك


 
توقيع : خالد الحصيّن


رد مع اقتباس