عليكم ورحمة الله وبركاته




لكم مع أجمل تحيه هذه القصيده المتواضعه ودمتم ..





صــاحـبي مــانـي مثل ماكـنت غـيرني زمــاني
صرت اخاف من الهوى والعشق وابيات القصيده

لاتقول اطلق عنانك ! ! خلني واقف مكاني
خل قلبي فيه مايكفيه .. تكفى لاتزيده

مابقى مايستحق اطلق على شانه عناني
والنتيجه كارثه من : منتدى ولا جريده

ذنبي اني شفت كل الناس في حسبة اخواني
اعطي بلاحد ... واخذ طعنةٍ ولا مكيده

مارضيت اخاوي الا الجدي وسهيل اليماني
كاسب العليا بحكمة عقل .. وبنفسٍ زهيده

سيرتي من قوم ذايع صيتهم قاصي وداني
فالمواقف صخرةٍ صلبه.. ونضرتهم بعيده

سامح الله الزمان الصعب يوم انه رماني
في يدين رجال من بذ الخفا وش مستفيده؟؟؟

وسامح الله القصيد اللي بليته وابتلاني
كل ماقيّدت هاجوس الشعر ينفك قيده

صاحبي تكفى عشان اللي مضا ولاّ عشاني
لاتطالبني بياقوته .. ولا دره فريده

خير منها ركعتين الفجر .. والسبع المثاني
والزمان اللي خذلني ياعسى الله مايعيده

ياعسى الله مايعيده
ياعسى الله مايعيده
ياعسى الله مايعيده
ياعسى الله مايعيده





وسلامتكم

لحظه ..دقيقه..ساعه..ايام..وشهور=يمكن سنه..اويمكن العمر كله