المهلّي مايولّي يبو نوره ... والله يبارك فيك طال عمرك ...وانا متأكد ولا هو بلاحقني فيك شك الله يرضى عليك ...وانا متأكد بعد انك انت متأكد ان لك تقدير خاص ومحبه خاصه في قلبي
بغض النظر عن اختلاف الراي احيانا ....انت رجالٍ قابلك الله اختلفنا والا اتفقنا
-الى اي مدى ترى قرب شعر القلطه مع شعر العرضه...وبصراحة من يغريك هنا وهنا؟
القلطه فن مستقل وله شعاره وعشاقه وجمهوره والعرضه كذلك فن مستقل له شعاره وعشاقه وجمهوره ... يتفقون في المعنى ويختلفون في الاسلوب والأداء ... ولكني ارى ان بإمكان شاعر العرضه ان يصبح شاعر قلطه ومحترف بعد ولا ارى ان العكس صحيح !
ومن ناحية من يغريني فاذا انت تقصد من من الشعار فاقول لك ابراهيم الشيخي يطربني جداً في الفنين
وانا بصراحه اميل كثيراا للقلطه ولو خيّروني بينهما لاتجهت للقلطه بدون نقاش
-يرى الكثيرين انك نطوائي من خلال علاقاتك بالمرقابيين رغم تواجدك المستمر؟
وانا ضد هذه الرؤيه ...لان الظروف اذا ابعدتني فهذه لا تعتبر انطوائيه
وبالعكس انا اتواصل مع المرقابيين داخل وخارج المرقاب سواء بالتلفون ام بالمقابله مع القريّب منهم وحتى بالماسنجر
اضف الى ذلك ان الزملا والمعارف الغير مرقابيه كثيره جدا ولازم نرضي جميع الاطراف
ارجو اني وضحت لك لان الامر اشتبه علي من ناحيه ان تقصد الانطوائيه النتيه ام الانطوائيه الاجتماعيه المعروفه ؟ فلا مانع انك توضح اكثر اذا ماكان جوابي شافي !
-هل تكتب الشعر الحر...لاني رأيت لك اكثر من رد لاكثر من شاعر طرح تجربته هنا في مرقاب الادب والثقافه؟
كتبته مرّه وحده وبطلب من شخص عزيز ...ولا ادري هو شعر حر والا عمودي المهم اني لبيت طلبه ورضي
واذا رأيت لي ردود على اي مشاركه من هذا القبيل فإعلم ان ماعمري رديت على شي الا وهو معجبني او على الاقل فيه جزئيه معجبتني
-كيف نستطيع تطوير قسم الفنون الشعبية ليصبح اكثر سخونة؟
احجبه عن اللي مبرّدينه ومقحمين انفسهم فيه وهم مايعرفون منه الا اسمه
بحيث مايستطيع يتصفحه الا الزوار والمجموعه اللي يجيدون الفنون فقط وترى ماعندي مشكله ازودك بالاسماء اللي انصح ان يكون القسم مفتوح لهم مع الزوّار !
-بكل تجرّد..هل يغريك النشر في مجلة المختلف او فواصل؟
وهذي من النقاشات اللي قد صارت بيننا ... الآن والله مايغريني النشر لا هنا ولا هنا
-من خلال نقاشاتنا اكثر من مره ولفترات مطوّله لم يتوصّل احد منا الى اقناع الآخر..تبينا نواصل ولا نهوّن!؟
والله اذا تبي تهوّن انت فهذا شي راجع لك اما انا فلا لك منّي فكّه حتى اقنعك ولو برأي واحد
عموما والله انها قمة المتعه النقاشات معك واني اجد فيها روح النقاش الهادف حتى لو ما اتفقنا
لاهنت ولا شنت يبو نوره
سلامي وكل احترامي
|