ناصرالأحمري

مرحبا مرحبا ياغالب

س1/ ناصر كان من اشد المعارضين للمشرفيبن والاداره والحين صار مشرف هل يعني هذا ان الاداره احتوته عشان تسلم من شره وما رايه في اختياره للاشراف بكسر الالف بالرغم من انه يقول انه فاشل اداريا ؟

لمعلوميّتك ياغالب فأنا كنت مشرف قبل سنتين او اكثر ... هذه معلومه اذا هي تخفاك فادر عنها ! والاشراف والله لا هو بمكسب ولا هو راس مال ... ولا عمري عارضت مشرف في شئ انا لي وجهات نظر اختلفت فيها مع الاداره يعني مع المدرا فقط اللي يملكون القرار وانا لن تتغير وجهات نظري ولن اتنازل عنها لأني أراها صحيحه ولاتقول انه استبداد بالرأي لان بعض المدرا يوافقني فيها ولكن يقول صعب تطبيقها او تنفيذها ... وبإمكانك تسأل اي اداري عن آرائي لانه ليس هنا مجال لذكرها ...
بعدين ياعزيزي عبداللطيف الغامدي اختارني للإشراف ولم لن أرفض له طلب وهو يعلم بجهودي ودقة متابعتي ولاهو بشرط تشوفني ناطٍ في كل مكان

اما انهم احتووني على شان يسلمون شرّي ...فلا اقدر اقول لك الا سامحك الله ياغالب !
ماهو ذلك الشر الذي تتحدث عنه .. كان الأجدر ان تقول لمشاكستك لخطورتك لصراحتك ل ل ل
اما الشر فكفانا الله شرّ من فيه شرّ.

اما اختياري للإشراف فهو تشريف شرفتني به إدارة المرقاب وأشكرهم على ذلك ...ولكن مثل ماصرّحت انه لن يغيّر فيّ قيد أنمله
وانا ياغالب ماقلت إني فاشل اداريا ...الحمد لله قاعدين ندير مصانع الغاز ومصافي البترول !

س2 / وش قصه الثنائيه مع الشيخي ؟
القصّه وبإختصار من بداية معرفتي بالشيخي وهو يقول دايم ليش ماتنزل الميدان وليش ماتشارك في الحفلات والى يومك وهو اذا كلمني او كلمته جاب لي نفس الطاري ....الى درجه ان مرّه من المرّات قال لي اذا كان اللي يردّك انك ستأتي وحيد فأنا استطيع ان أكون معك ثنائيه ..وانا أشكره جزيل الشكر على ثقته .. ولكن انا ظروف عملي ماتسمح لي ابدا بالاتجاه للميدان كمحترف وراجع جوابي على الذيابي حول الممارسه الميدانيه

س3/ ماهي مميزات و / سلبيات المرقاب من وجهة نظرك ؟

المميّزات واجد : منها التقارب الأخوي بين الأعضاء ...الجوده العاليه في المشاركات (ولو انها في وجهة نظري تقتصر على أسماء معيّنه)...اضف الى ذلك انه خفيف في التصفح
ومن سلبيّاته المجامله الزايده والمحاباه ...وطريقة التسجيل فيه غريبه جدا جدا جدا


س4/ بطاقه تعريفيه لناصر ؟

ناصر بن يحيى الاحمري
العمر فوق الخمسه والعشرين وتحت الثلاثين
عزوبي
بكالوريوس هندسه كيمائيه من جامعة الملك فهد للبترول والمعادن
مهندس عمليّات وتحكـّم في أرامكو السعوديه

س5/ لماذا تقتصر محاوراتك على اشخاص معينين ؟؟

لأني أضمن تواجدهم الى ان تنتهي المحاوره في وقتها ...
الشي الثاني تراني قد لعبت مع اغلب الاعضاء ...اللي يتواجدون في الفنون
والمجال مفتوح واذا كاني مقتصر على اشخاص معينين فالمجال مفتوح لمن اراد اللعب ..شد القاف وازهل الباقي ولكن بعد المجهر

واخيرا يعلم الله انك غالي ياغالب واني اقدرك واحترمك
وتقبل الحب والتقدير اللي مثل حبك ولاهنت

من الذكـاء متابعة طاش ما طاش
........ وأكبر غباء إنـك تتابع خـواطـر !