|
الوهــابي الإرهــابي !!
اللهم صلي وسلم على حبيبنا واله وصحبه
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياربي آنا عبدك الوهابي الارهابي=اللي يديني من دما عدوان ديني شاربه
الانتحاري .. المطوع .. الذكي .. المتغاابي !!=ابو هِقا متباعدة .. وابو خُطا متقاربه
اللي لا ضاقت دنيتي قمت احتظن محرابي=وابكي على صدره والوذ بخالقي وآجار به
لاني بتكفيري ولا ملحد ولاني صابي=ولاني من اللي كل ما يلقى طريقٍ سار به
مشايخي ومنهجي وسنتي وكتابي=ومبايع لحكام نجد اهل السيوف الضاربه
من دون رايات العقيدة .. دمي العنابي=ومن قبل دهمات العدو : يا بندقي يا حاربه
اهل العشق في عشقهم .. وانا عشيق احرابي=اضمها واحبها .. كلٍ حبيبه طار به
لا صاح لي اخي عصبت المعصب البنجابي=متحزم حزام الفشق وايدي لسلاحي داربه
آجي عدوه فاتل العضدين والاشنابي=وما اروح منه الا وانا منتفٍ له شاربه
عرق انفضخ .. احب لي .. ودمه الصبابي=من عرق ما غدى وباقي في مكانه كاربه
ان طابت احلام الكرى تجفى الفراش اجنابي=في ساعةٍ روس العرب مع الغواني طاربه
بين القصص والانبيا والكهف والاحزابي=اشجان ودموع ودعا وانوار ماهي غاربه
آناجي مولاي الاحد وانا مغضّ اهدابي=مما جنت يدّي ومن حيّة مسارب ساربه
واطلبه لا صكت وهو يملي جيوب ازهابي=سبحانه يعطي من طلبه ويبلغه مآربه
رفيقي المسلم من اقرابي سوى واجنابي=دامه على المله فله حميّة الاقاربه
تنصك بيبان العرب ولا اصك ابوابي=يرقى سنود ومن عداه اعفّره متاربه
أَعز من جا واَغلا وجهٍ لي واحب احبابي=ونسبته اغلى من المستعربه و العاربه
ولاّ اللي لا مشى عثر وعالركيبه كابي=ما له سوى المشعاب يضرب صفحته وغاربه
واللي تهزّى بالدقون انشهد انه هابي=وحسابه عند اللي ما يهرب من حسابه هاربه
قالت لي ارهابي وفي ثوب الديانه خابي !!=استغفر الله من جهل من غرته تجاربه
تنقل سموم الغيض بين العرق والاعصابي=الين تخلف منطقي والراس واللي دار به
ايه ادري اني مذنبٍ والظن ياكم خابي=مير اتشبّه بالنبي واللي ضرب مضاربه
عل الله يحشرني معه في زمرة الاصحابي=ولا العمل !! مامن عمل ينجيني يوم يشار به
اغفر يارب لعبدك الوهابي الارهابي=اللي يدينه من دما عدوان دينه شاربه [/poem]
وسلامتكم
|