ناصرالأحمري

الله يبقيك يبو صالح ولو انا سعيد جدا بحضورك وتشريفك لي

س1 / ماالذيّ ينقص قسم الفنون برأيك ؟

ماهو بناقصه شي ابد ...ودّي انك قلت وش اللي زايده
بصراحه الفنون يبغى له ضوابط صارمه جداً ومفروض انه مايشارك فيه الا شاعر يجيد الفنون والباقين يمسكون الصفوف وراجع اجابتي على معيض حول النقطه ذي

س2 / كيف تصف لنا محاوراتك مع الشاعر / إبراهيم الشيخي في المرقاب , إختلاف وجهات النظر , أم البقاء
للأقوى .؟ إذا ماتبي تختار فنّد

مثل ما قلت لك سابقاً الشيخي من اقرب المقرّبين لي ولكن اختلف معه كثير كثير كثير فأغلب محاوراتنا هي مناقشة وجهة نظر معيّنه سواءً داخل النت والا خارجه
اما مسألة البقاء للأقوى فالقويّ الله سبحانه وتعالى

س3 / من يعجبك من شعراء المحاوره في الميدان _ المرقاب .؟

في الميدان صيّاف الحربي ورشيد الزلامي
وفي المرقاب على سبيل المثال لا الحصر عناد النفيعي وابو راكان وابو نجد ومبارك آل خليفه اللي اطلب منه انه يتواجد باستمرار في الفنون
طبعا ابراهيم الشيخي يعجبني ميدانياً ومرقابياً

س4 / الابيات المرسله لسداح في ( تحت المجهر ) عندما كان ضيفها آنذاك سدّاح .؟ لماذا لم تسأله أسئله
تقليديه وإعتمدت في أسئلتك بقصيده .؟ وضح الاسباب

لمعلوميّتك يامحمد القصيده لم اخطط لها ولا طرت علي الا يوم فتحت الجهاز في احد المقاهي الصاخبه ...وحلقة سداح ما يختلف على تميّزها اثنين فحبيّت ان تكون مشاركتي مميّزه
اضف الى ذلك انه اعجبني سؤال سداح لمبارك آل خليفه بمجموعة ابيات كاملة الدسم
فقلت لازم ينسأل سداح بنفس الطريقه ها وعفاك

ولا شكر على واجب يبو صالح فيعلم الله اني ماقلتها مجامله ولا اقصد بها التقليل من حق الاخرين
ولكن والله انكم مثاليين وتستاهلون كل خير

ومن قال لا يهون ....شرفتني يبو صالح بحضورك وتواجدك

من الذكـاء متابعة طاش ما طاش
........ وأكبر غباء إنـك تتابع خـواطـر !