خالد بن خضير

مـن يقـدر يقـول الظمـا ماهـو مخيـف
وانــا اتـحـدى كـــل شـخــصٍ يـقـولـه
هذا وانا الظامـي علـى شوفـة الريـف
اللـي فـرق عــن هالـزمـان وفصـولـه
يروح منـي ضيـف ويحـل بـي ضيـف
وغــلاااه مايـنـزاح لــو حــال حـولـه
يسـرق مـن عيونـي دمــوعٍ ذواريــف
ومــن دم قـلـبـي ذكـريــات الطـفـولـه
حبي له اسمـى مـن كـلام المضاريـف
ومن شعري اللي ما اعرف وش ميوله
ضيّـع سنينـي مـع هبـوب العواصيـف
واسـقـانـي الـفـرقـا بـلـيـن وسـهـولــه
وانا ارتشف سـم الجفـا رشفـة الكيـف
ومـن الهبـال اشــرب بنـفـسٍ عجـولـه
واطرد سراب البعد في لاهب الصيف
واســـوق لـلـمـوت المـعـجّـل ذلــولــه
مـا جـاء علـى بالـي فـراق الموالـيـف
وانـي بعـيـش الـلـي بـقـى دون زولــه
يـبـيـح ربـــي حـالـتـي يـالـعـواريـف
حمّـلـنـي الـغـربــال كــايــد حـمـولــه
وانـا حشـا مـانـي بكثـيـر التحاسـيـف
علـى الــذي عـجـزت يديـنـي تطـولـه




عبدالعزيز الحبيتر


صح الله السانك ولاهنت ياالشاعر الجزل المخيف


تقبل تحياتي وتقديري ..