[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياصاحبي ضيقـت صـدري وبالـي=وطعنتنـي يازيـن طعنـه قـويـه
من عقب ماني يادعج العين غالـي=وليـا اتصلـت تـرد لـي بالتحيـه
اليوم عنـدك شـان حظـي وفالـي=حتى بكلامك صـرت تبخـل عليـه
ليتك تشوف اللـي سببكـم جرالـي=وتشوف حالي ويش سويـت فيـه
من سبتـك دايـم وحيد(ن)لحالـي=ماتقل حولي نـاس بـالارض حيـه
عطني حبيبي لـو شويـه مجالـي=لـو الـوداع الله يخلـيـك لـيـه
فرقاك ضيـق وهـم كبـر الجبالـي=كبـر جبـال الطويـق والا طميـه
مـن هجركـم ياصاحبـي عزتالـي=والمشكلـه هجـر(ن) بليـا خطيـه
بالصـد قلبـك قاسـي(ن) مايبالـي=ونفسك على تعذيب نفسـي جريـه
خطر(ن)عليه من سببـك الهبالـي=غيري سبب غيضك وصرت الضحيه
من صدكـم نومـي نكـد ماهنالـي=وزاد الهجر نفس(ن) من اول شقيه
ياصاحبـي يفـداك غالـي حلالـي=ويفـداك ماتقـدر تطولـه يـديـه
وصاحبـي عنـي بعيـد المنـالـي=قريـب لكـنـه صعيب(ن)مجـيـه
الله يلـومـه كــان دور بـدالـي=وانا الذي مغليه مـن حسـن نيـه
اسـج لامـن الحبـيـب طـرالـي=كني على ارض(ن) مابهـا جاذبيـه
ولانـي انـا ناسيـه لـو مادرالـي=ولو ما نوى يرجـع حبيبـي عليـه
وعليه ابرمـي غترتـي والعقالـي=الله يخـون اللـي يخـون بخويـه

خليف الوهيداني
[/poem]