وإليـا طـرت لـي وصوفـك جـل باريهـا
مـن فـيـض زيـنـك تــوزّع للمزاييـنـي
تسبى النواظر بنعـس اهـداب تسبيهـا
ومن بسمتك تخطف قلـوب الملايينـي
يا مهجة الروح روحـي كيـف تشقيهـا
صمتـك ذبحنـي ونـار الشـوق تكوينـي
اقـرى الرسايـل لأجـل نفسـي اسليـهـا
وأثـر الرسايـل عـقـب عيـنـك تعنيـنـي
مـا باقـي الاّ طـيـور الــورق الآحيـهـا
اذكـر بهـا احلـى الليالـي يـوم تغليـنـي
بعـت المحبـه مـن اول كنـت شاريـهـا
وعلى الوصل والموده كنـت توصينـي
مـاتـت ورود الـغـلا مـاعـدت ترويـهـا
ماتـت سبـب قسوتـك يـا نـازح البينـي
حتـى العهـود القديمـه صـرت ناسيهـا
ولاعـاد بـاقـي ســوى الـذكـرى تقديـنـي
زادت جـروحـي ولا غـيــرك يـداويـهـا
ليـتـك تـشـوف الخفـايـا كــان تبكيـنـي
ضاقـت علـي الوسيـعـه مَــعْ مبانيـهـا
اطـوي سنيـن الرجـا واقـول يـا وينـي
قلـبـي يحـبـك وعيـنـي سـاكـن ٍ فـيـهـا
لاتـنـخــدع بـالـعــواذل والشـيـاطـيـنـي
في روض قلبـي ورودك ليـت تسقيهـا
تعـال واسقـي ورود الحـب واسقيـنـي
جاتك حروف الشّعر من قبـل اسميهـا
دوّر عــبــاره تــواكــب للمضـامـيـنـي
مشـاعـر ٍ مــا تـبـي يــا كــود غاليـهـا
وامـنـتـك الله حبـيـبـي لا تخلـيـنـي ..!!
ياسلام ياسلام ..
الله الله الله الله
هذا وانت ماتبي غزل اجل لو تبي غزل وش بتصير ياحسن ؟؟
صح الله السانك مليون مره يابو علي جزل ولا تجيب الا كل جزله ..
تقبل تحياتي وتقديري ..
|